Read Time:2 Minute, 7 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މާލޭ ނޯތު ހާބަރުގެ ‘އޭ ޒޯން’ ނުވަތަ ބޮޑުތަކުރުފާނު މަގާވީ ފަޅިން އުޅަނދުފަހަރަށް ފެނާއި ކަރަންޓުގެ ޚިދުމަތް ދޭން ފަށައިފިއެވެ. މީގެ ކުރިން މި ޚިދުމަތް ހޯދުމަށް އުޅަނދުފަހަރު އެހެން ޒޯންތަކަށް ބަދަލުކުރަން ޖެހުމުން ދިމާވި ތޮއްޖެހުމާއި ދަތިތަކަށް މި ބަދަލާއެކު ވަނީ ހައްލެއް ލިބިފައެވެ. އެމްޕީއެލް އިން މި ސަރަހައްދުގައި 16 ޕޮއިންޓެއް ގާއިމްކޮށްފައިވާއިރު، މިއާއެކު އެއްފަހަރާ 48 އުޅަނދަށް ކަރަންޓު އަދި 16 އުޅަނދަށް ފެނުގެ ޚިދުމަތް ދިނުމުގެ ގާބިލުކަން މިހާރު ވަނީ ލިބިފައެވެ.
މި އައު އިންތިޒާމުގެ ސަބަބުން އޮޑިވެރިންނަށް ވަގުތާއި ހިންގުމުގެ ޚަރަދު ސަލާމަތްވެ، ތެޔޮ އެންދުމުގެ ބަދަލުގައި ފަސޭހަކަމާއެކު ބަނދަރުން ކަރަންޓު ލިބޭނެއެވެ. މީގެ އިތުރުން، ބޯޓުފަހަރުގެ އިންޖީނުތައް ނިއްވާލެވޭތީ ބަނދަރު ސަރަހައްދުގައި އުފެދޭ ދުމާއި އަޑުގަދަވުން ކުޑަވެ، ތިމާވެއްޓަށާއި އާންމުންނަށް ވެސް ހިތްފަސޭހަ މާހައުލެއް ގާއިމްވެގެންދާނެއެވެ. މިއީ ބަނދަރުގެ އޮޕަރޭޝަންތައް ހަރުދަނާކޮށް، ރައްކާތެރިކަން އިތުރުކުރުމަށް އެޅުނު މުހިންމު ފިޔަވަޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0