Read Time:2 Minute, 20 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ސަރުކާރުން ހުށަހެޅި “މޯލްޑިވްސް 2.0 ޑިޖިޓަލް ޓްރާންސްފޮމޭޝަން” ބިލާއި “ޑިޖިޓަލް އައިޑެންޓިޓީ” ބިލު ރައްޔިތުންގެ މަޖިލީހުން އިއްތިފާގުން ބަލައިގެންފިއެވެ. މި ދެ ބިލު މަޖިލީހަށް ހުށަހެޅީ މިދިޔަ މަހުގެ 15 ވަނަ ދުވަހުއެވެ. ޑިޖިޓަލް ޓްރާންސްފޮމޭޝަން ބިލުގެ ދަށުން “މޯލްޑިވްސް ޑިޖިޓަލް ސަރވިސް” ނަމުގައި ސަރުކާރީ އިދާރާއެއް އުފައްދައި، ދައުލަތުގެ ހުރިހާ އައިސީޓީ ޚިދުމަތްތަކާއި ކޮމްޕިއުޓަރ ނެޓްވޯކް ބެލެހެއްޓުން އެ އިދާރާއާ ހަވާލުކުރެވޭނެއެވެ. މި ބިލު ޤާނޫނަކަށްވުމާއެކު “ޑިޖިޓަލް ފަސްޓް” ސިޔާސަތުގެ ދަށުން ދައުލަތުގެ ހިންގުން ޒަމާނީ ޓެކްނޮލޮޖީއަށް ބަދަލުކޮށް، ރައްޔިތުންގެ އިތުބާރު ލިބިގެންވާ ވަށައިޖެހޭ ޑިޖިޓަލް ނިޒާމެއް ޤާއިމުވެގެންދާނެއެވެ.
ޑިޖިޓަލް އައިޑެންޓިޓީ ބިލުން، އޮންލައިން މުޢާމަލާތްތަކުގައި ފަރާތްތަކުގެ ހަވިއްޔަތު ކަށަވަރުކޮށް، ޒާތީ މަޢުލޫމާތު ރައްކާތެރިކުރުމުގެ އުސޫލުތައް ކަނޑައެޅޭނެއެވެ. ނިޒާމު ހިންގައި ތަރައްޤީ ކުރުމަށް “ޑިޖިޓަލް އައިޑެންޓިޓީ ޓެކްނިކަލް އެޑްވައިޒަރީ ކޮމިޓީ”އެއް އެކުލަވާލުމަށްވެސް ބިލުގައި ލާޒިމުކޮށްފައިވެއެވެ. މި ދެ ބިލު ދިރާސާ ކުރުމަށް ވަނީ އައިސީޓީ ކޮމިޓީއަށް ފޮނުވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0