Read Time:3 Minute, 1 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ހިޔާ ފްލެޓް ލިބިފައިވާ ފަރާތްތަކުގެ ދިރިއުޅުން ތަނަވަސްކޮށްދިނުމަށް ބޯހިޔާވަހިކަމުގެ އައު ފުރުސަތުތައް ހޯދައިދެއްވާނެ ކަމަށް ބިނާރާ ވަޒީރު ޑރ. ޢަބްދުﷲ މުއްޠަލިބު ވިދާޅުވެއްޖެއެވެ. ހިޔާ ފްލެޓްތަކުގައި އިތުރު ލިފްޓް ހަރުކޮށް ނިމުން ފާހަގަކުރަން ބޭއްވި ރަސްމިއްޔާތުގައި ވަޒީރު ވިދާޅުވީ، ދެ ކޮޓަރީގެ ފްލެޓަށް ބަދަލުވި ގިނަ އާއިލާތަކުގެ ހާލަތު ބަދަލުވެ، ތަނަވަސް ތަނަކަށް ބަދަލުވާން ބޭނުންވި ނަމަވެސް، ބޯހިޔާވަހިކަން ނެތް ފަރާތްތަކަށް ކަންކަމުގައި ކުރިއެދޭ ދިނުން ލާޒިމްވާ ކަމަށެވެ. ހިޔާ ސަރަހައްދުގައި ތިބި ރައްޔިތުންނަށް ދިމާވެފައިވާ ދަތިތައް ހައްލުކޮށްދިނުމަށް ސަރުކާރުން ކެނޑިނޭޅި މަސައްކަތް ކުރައްވާނެ ކަމަށްވެސް ވިދާޅުވިއެވެ.
ހިޔާ ސަރަހައްދަށް ކަނޑައަޅާފައިވާ ހުސް ބިންތަކުގައި ގޯތި ދީފައިވުމާއި ބިން ނެތުން ފަދަ ގޮންޖެހުންތަކެއް ހުރި ނަމަވެސް، ފާއިތުވި ދެ އަހަރު ތެރޭ ރައްޔިތުންގެ ދިރިއުޅުން ފަސޭހަ ކުރަން ގިނަ މަސައްކަތްތަކެއް ކޮށްފައިވާ ކަމަށް ވަޒީރު ފާހަގަކުރެއްވިއެވެ. 25 ބުރީގެ 16 ޓަވަރު ހިމެނޭ ހިޔާ މަޝްރޫޢު 2018 ގައި ނިމުނު ނަމަވެސް، ފިނިޝިން ނުނިންމައި، ދޮރުތައް ނެތި، އަސާސީ ޚިދުމަތްތައް ޤާއިމްނުކޮށް ފްލެޓްތައް ހަވާލުކުރި ގޮތުން ރައްޔިތުންނަށް ބޮޑު ހިތްދަތިކަމެއް ލިބިގެންދިޔައެވެ. ނަމަވެސް ރައީސް ޑރ. މުއިއްޒުގެ ސަރުކާރުން ވަނީ ފިނިޝިން ޚަރަދުން 200،000 ރުފިޔާ އުނިކޮށްދީ، މަހު ކުލި ކުޑަކޮށްދީ، ކޮންމެ ޓަވަރެއްގައި ސްޓްރެޗަރ ވެސް ވަދެވޭ ވަރުގެ ތަނަވަސް ދެ ލިފްޓް ހަރުކޮށްދީ ރައްޔިތުންނަށް ލުއިތަކެއް ހޯދައިދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0