Read Time:2 Minute, 9 Second
(ފޮޓޯ ކްރެޑިޓްސް: ބީޢެމްއެލް)
ބީއެމްއެލްގެ ކާޑު މެޝިން ބޭނުންކުރާ ވިޔަފާރިތަކަށް ދޫކުރާ ‘އެޑްވާންސް މާޗަންޓް ސެޓްލްމަންޓް’ ފައިނޭންސިންގ އަށް ބޭންކުން ހެޔޮ ބަދަލުތަކެއް ގެނެސްފިއެވެ. މި ބަދަލާއެކު، ކާޑު މެޝިނުގެ މުއާމަލާތްތަކަށް ބަލައި 2 މިލިއަން ރުފިޔާއާ ހަމައަށް ފައިނޭންސިންގ ލިބޭނެއެވެ. މި ޚިދުމަތަށް ބީއެމްއެލްގެ އިންޓަރނެޓް ބޭންކިންގ ނުވަތަ މޮބައިލް އެޕް މެދުވެރިކޮށް ހުށަހެޅޭއިރު، 5 ދުވަސް ތެރޭގައި ފައިސާ ލިބޭނެ އިންތިޒާމު ވަނީ ހަމަޖައްސާފައެވެ.
މި ފައިނޭންސިންގ އަށް އެދި ހުށަހެޅޭނީ ބީއެމްއެލް މަރޗަންޓް ޚިދުމަތް ބޭނުންކުރާތާ މަދުވެގެން 6 މަސްވެފައިވާ، އަދި މަހަކު އެވްރެޖްކޮށް 20،000 ރުފިޔާގެ ކާޑު މުއާމަލާތް ހިންގާ ވިޔަފާރިތަކަށެވެ. ފައިސާ އަނބުރާ ދެއްކުމުގައި ލުއިފަސޭހަ ކުރުމުގެ ގޮތުން، ކޮންމެ ދުވަހަކު ލިބޭ ކާޑު ސޭލްސް އިން އޮޓޮމެޓިކުން ފައިސާ ކެނޑޭނެ ގޮތް ވަނީ ހަމަޖައްސާފައެވެ. ބީއެމްއެލްގެ އަމާޒަކީ މި ބަދަލުތަކުގެ ސަބަބުން ވިޔަފާރިތަކަށް ބޭނުންވާ މާލީ އެހީތެރިކަން އަވަހަށް ފޯރުކޮށްދީ، ވިޔަފާރިތައް އިތުރަށް ކުރިއެރުވުމަށް މަގުފަހިކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0