Read Time:2 Minute, 2 Second
(ފޮޓޯ ކްރެޑިޓްސް: ރައީސް އޮފީސް)
ކުށުގެ މާޙައުލަށް ހުށައެޅޭ ކުދިން އަނބުރާ މުޖުތަމަޢަށް ގެނައުމަށްޓަކައި އުތުރު ތިލަފަޅުގައި ތަރައްޤީކުރާ “ހޯޕް އައިލެންޑް” ގެ މަސައްކަތް ވަރަށް އަވަހަށް ފައްޓަވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އިޢުލާން ކުރައްވާފައެވެ. 700 މީހުންގެ ޖާގައަށް އަމާޒުކޮށް 15 ހެކްޓަރުގެ ބިމުގައި ހަދާ މި ރަށުގައި، ކުދިންނަށް ބޭނުންވާ ތަޢުލީމާއި، ދީނީ ތަރުބިއްޔަތާއި، ތެރަޕީ އަދި ކުޅިވަރުގެ ވަސީލަތްތައް ހިމެނޭނެއެވެ. ރައީސް ފާހަގަކުރެއްވި ގޮތުގައި ކުށަށް އަރައިގަތުމުގެ އަޞްލު ސަބަބުތައް ކަމަށްވާ ބޯހިޔާވަހިކަމާއި އާމްދަނީގެ ފުރުޞަތުތައް ފަހިކޮށްދީގެން މެނުވީ މި މައްސަލައަށް ދާއިމީ ޙައްލެއް ނުލިބޭނެއެވެ. މި މަޝްރޫޢުގެ ދަށުން އެތަނަށް ގެންދާ ކުދިން 18 އަހަރު ވަންދެން ބައިތިއްބައި، އޭގެ ފަހުން ސިފައިންގެ ނުވަތަ ފުލުހުންގެ ޚިދުމަތުގައި ވަކި މުއްދަތަކަށް މަސައްކަތް ކުރާ ގޮތަށް ވަނީ ހަމަޖެހިފައެވެ. ސަރުކާރުގެ އަމާޒަކީ މި ދައުރުގެ ތެރޭގައި މި މަސައްކަތް ނިންމައި އޭގެ ނަތީޖާ ދެއްކުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0