Read Time:3 Minute, 9 Second
ފޮޓޯ ކްރެޑިޓްސް: އެމްއޭސީއެލް
ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފޯރުކޮށްދެމުންދާ ސީ-ޓު-އެއަރ ކާގޯ ޓްރާންސްޝިޕްމަންޓް ހިދުމަތުގެ ތެރެއިން 1000 ޓަނުގެ މުދާ އެކްސްޕޯޓް ކޮށްފިއެވެ. ވީއައިއޭ ހިންގާ އެމްއޭސީއެލުން ބުނީ، މި ހިދުމަތަށް ވަރޖިން އެޓްލާންޓިކް މިއަދު ގުޅުމާއެކު، ސީ-ޓު-އެއަރ ކާގޯ ހިދުމަތުގައި ޖުމްލަ 12 އެއާލައިނަކުން ބައިވެރިވާ ކަމަށެވެ. އެމްއޭސީއެލުން ބުނީ، އާ އެއާލައިންތަކުން މިހިދުމަތާއި ގުޅުމަކީ ވީއައިއޭގެ ކަރގޯގެ ހިދުމަތް އިތުރަށް ފުޅާވެގެންދާނެ ކަމެއް ކަމަށެވެ.
ސީ-ޓު-އެއަރ ކާގޯ ހިދުމަތަކީ އެމްޕީއެލް މެދުވެރިކޮށް ކަނޑުމަގުން ގެންނަ މުދާ ރައްކާތެރިކަމާއެކު އަވަހަށް ވައިގެ މަގުން ބޭނުން މަންޒިލަކަށް ފޯރުކޮށްދިނުމަށް އެމްއޭސީއެލުން ފެށި ހިދުމަތެވެ. މިއަހަރުގެ މޭއި މަހުގެ ތެރޭގައި ފެށި މި ހިދުމަތުގައި މައިގަނޑު ގޮތެއްގައި އެކްސްޕޯޓް ކޮށްފައިވަނީ ބަންގްލަދޭޝްއިން ރާއްޖެއަށް ކަނޑުމަގުން އެތެރެ ކުރާ ގަރމެންޓް ޝިޕްމެންޓްތަކެވެ. މިހާރު ހިދުމަތް ދެމުން އަންނަ އެއާލައިިންތަކަށް ބަލާއިރު، ޓަރކިޝް އެއާލައިން، ގަތަރު އެއާވޭސް، އެމިރޭޓްސް، އިއްތިހާދު، އެރޯފްލޮޓް، ނިއޯސް، ގަލްފް އެއަރ، ޑިސްކަވަރ އެއަރލައިންސް، އޮސްޓްރިއަން އެއާލައިންސް، ކޮންޑޯ، ބްރިޓިޝް އެއާވޭސް އަދި ވަރޖިން އެޓްލާންޓިކް ހިމެނެއެވެ.
އެމްއޭސީއެލުން ބުނީ، ސީ-ޓު-އެއަރ ކާގޯގެ ހިދުމަތާއިއެކު ވީއައިއޭއިން ދެމުންދާ ކާގޯގެ ހިދުމަތް ވަނީ އިތުރަށް ފުޅާވެގެން ގޮސްފައިވާ ކަމަށާއި ދުނިޔޭގެ ކާގޯ ކަނެކްޓިވިޓީ ލޮޖިސްޓިކްސް ޗެއިންގައި ވީއައިއޭގެ ހިއްސާ އޮތުމަކީ ރާއްޖޭގެ އިގްތިސާދަށް އެމްއޭސީއެލުން ވަމުން އަންނަ ހިއްސާ އިތުރަށް ވަރުގަދަވާނެ ކަމެއް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0