Read Time:3 Minute, 15 Second
ފޮޓޯ ކްރެޑިޓްސް: ޕީޕީއެމް
ޕްރޮގްރެސިވް ޕާޓީ އޮފް މޯލްޑިވްސް، ޕީޕީއެމް އުވާލުމަށް އެ ޕާޓީގެ ސެނެޓުން ނިންމައިފިއެވެ. ޕީޕީއެމް އުވާލުމަށް އެ ޕާޓީގެ ސެނެޓުން މިއަދު ފާސްކޮށްފައިވާއިރު މި ނިންމުމާއެކު ޕީޕީއެމްގެ މެންބަރުން ވެރިކަންކުރާ ޕާޓީ ކަމަށްވާ ޕީޕަލްސް ނޭޝަނަލް ކޮންގްރެސް (ޕީއެންސީ) އަށް ބަދަލުވުމުގެ މަގު ފަހިވެގެން ގޮސްފައިވެއެވެ.
ޕީޕީއެމްގެ ސެނެޓު ބައްދަލުވުމުގައި ޕާޓީ އުވާލުމަށް ހުށަހެޅި ގަރާރު ފާސްވީ ބައްދަލުވުމުގައި ބައިވެރިވި 42 ސެނެޓަރުންގެ އިއްތިފާގުންނެވެ. ބައްދަލުވުމުގެ ރިޔާސަތު ބެލެހެއްޓެވީ ޕާޓީގެ ނައިބު ރައީސް، ފިޝަރީޒް މިނިސްޓަރު އަޙްމަދު ޝިޔާމެވެ. ބައްދަލުވުން ބޭއްވީ ޕީއެންސީގެ އޮފީހުގައެވެ. ޕީޕީއެމްގެ ނައިބު ރައީސް އަދި ޑިފެންސް މިނިސްޓަރު ޣައްސާން މައުމޫން ވިދާޅުވެފައިވަނީ މިއަދަކީ އުފާވެރި ދުވަހެއް ކަމަށާއި، މިއީ ޕީޕީއެމްގެ މެންބަރުން ޕީއެންސީއަށް ބަދަލުވާން ރަސްމީކޮށް އިލްތިމާސްކުރާ ދުވަސް ކަމަށެވެ.
ނަމަވެސް، ބައެއް ސެނެޓަރުން ވަނީ ޕީޕީއެމް އުވާލުމުން އިންތިހާބީ މަގާމުތަކުގައި ތިބި މެންބަރުންގެ ގޮނޑިތަކާމެދު ސުވާލު އުފައްދާފައެވެ. ޕާޓީގެ ލީޑާޝިޕުން މިކަމާ ގުޅޭ މައުލޫމާތު އިތުރަށް ސާފުކޮށް، ސެނެޓަށް އަންގާނެ ކަމަށް ވިދާޅުވެފައިވެއެވެ. ޕީޕީއެމްގެ ޓިކެޓުގައި ރަށު ކައުންސިލްތަކަށް ވެސް ގިނަ އަދަދެއްގެ މީހުން އިންތިހާބުކޮށްފައިވެއެވެ. ޕީޕީއެމް އުވާލުމާ ގުޅިގެން، ޕާޓީގެ ކުލަ، ނަން، ނިޝާން އަދި ލޯގޯ ފަދަ ތަކެތި ކުރިއަށް އޮތް 5 އަހަރު ދުވަހުގެ ތެރޭގައި އެހެން ސިޔާސީ ޕާޓީއަކަށް ބޭނުން ނުކުރެވޭނެއެވެ.
މި ނިންމުމަކީ ވެރިކަންކުރާ ކޯލިޝަންގެ ސިޔާސީ މަޝްރަޙު އަލުން ބައްޓަންކުރުމަށް އެޅޭ މުހިންމު ފިޔަވަޅެއްގެ ގޮތުގައި ދަނީ ސިފަކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0