ވާޖިން އެޓްލާންޓިކުން ސީ-ޓު-އެއަރ ކާގޯ އޮޕަރޭޝަންގައި ބައިވެރިވެއްޖެ

Read Time:3 Minute, 38 Second

ވާޖިން އެޓްލާންޓިކުން މާލޭ އިންޓަނޭޝަނަލް އެއާޕޯޓުގެ ސީ-ޓު-އެއަރ ކާގޯ އޮޕަރޭޝަންގައި ބައިވެރިވެއްޖެއެވެ. މާލޭ އިންޓަރނޭޝަނަލް އެއާޕޯޓުގެ ސީ-ޓު-އެއަރ ކާގޯ އޮޕަރޭޝަންގައި ވާޖިން އެޓްލާންޓިކް ވަނީ ބައިވެރިވެފައެވެ. މިއީ މި އޮޕަރޭޝަންގައި ބައިވެރިވާ 12 ވަނަ އެއާލައިނެވެ.

މި އޮޕަރޭޝަންގެ ދަށުން ވާޖިން އެޓްލާންޓިކުން ފުރަތަމަ ފަހަރަށް މާލެއިން އެމެރިކާއަށް ދަތުރުކުރާ ކާގޯއެއް ވަނީ އުފުލާފައެވެ. މިއީ ކަނޑުމަގުން އަންނަ މުދާ ވައިގެމަގުން އެހެން ގައުމުތަކަށް ފޮނުވުމަށް ހާއްސަކޮށްގެން ދެވޭ ހިދުމަތެކެވެ. މޯލްޑިވްސް އެއާޕޯޓްސް ކޮމްޕެނީ ލިމިޓެޑުން ބުނާ ގޮތުގައި މި ހިދުމަތް ފެށިތާ އެންމެ 8 މަސް ދުވަހުގެ ތެރޭގައި 1,000 ޓަނުގެ ކާގޯ ވަނީ އުފުލާފައެވެ. މިއީ މި ހިދުމަތުގެ ކުރިއެރުން ދައްކުވައިދޭ މުހިންމު ކަމެކެވެ.

މި ހިދުމަތް އިތުރަށް ފުޅާކުރުމުގެ މަސައްކަތް ކުރިއަށްދާ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑުން ބުނެފައިވެއެވެ. މިކަމުގެ ސަބަބުން ވެލާނާ އިންޓަނޭޝަނަލް އެއާޕޯޓުގެ ވިޔަފާރި އިތުރަށް ފުޅާވެގެންދާނެ ކަމަށް ބެލެވެއެވެ. މި ހިދުމަތުގައި ވާޖިން އެޓްލާންޓިކް ބައިވެރިވުމާއެކު، އިތުރު ބައިނަލްއަގުވާމީ މަންޒިލުތަކަށް މުދާ ފޯރުކޮށްދިނުމުގެ ފުރުސަތު ފަހިވެގެންދާނެ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑުން އުންމީދުކުރެއެވެ.

މީގެ ކުރިން މޯލްޑިވްސް ޕޯޓްސް ލިމިޓެޑް (އެމްޕީއެލް) އާއި ގަތަރު އެއާވޭސްގެ ޖެނެރަލް ސާވިސް އޭޖެންޓް އޭސް ޓްރެވަލްސް މޯލްޑިވްސްއާ ދެމެދު ސީ-ޓު-އެއަރ ޓްރާންސްޝިޕްމަންޓް ކާގޯ ހިދުމަތް ފޯރުކޮށްދިނުމާ ގުޅޭ ސާވިސް އެގްރީމަންޓެއްގައި ވަނީ ސޮއިކޮށްފައެވެ. ރާއްޖޭގައި އެއާ ކާގޯއާ ބެހޭ ގައުމީ ދިރާސާއެއް ހެދުމަށް ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އިން ގައުމީ ޔުނިވާސިޓީއާއެކު މީގެ ކުރީގައިވަނީ އެއްބަސްވުމެއްގައި ސޮއިކޮށްފައެވެ. މި ކަމަކީ ރާއްޖޭގެ އިގްތިސާދަށް ބޮޑު ކުރިއެރުމެއް އަންނާނެ ކަމެކެވެ.