Read Time:2 Minute, 24 Second
ކީރިތި ޤުރުއާން ހިތުދަސްކުރާ ހާޒިރުން އުމްރާއަށް ފޮނުވަން އިސްލާމިކް މިނިސްޓްރީން ކުރިއަށް ގެންދާ މަޝްރޫއުގެ ދަށުން ފަސް ވަނަ ހާފިޒަކަށް އެ ފުރުސަތު ދީފިއެވެ. އިސްލާމިކް މިނިސްޓްރީން ބުނި ގޮތުގައި އެ ފުރުސަތު ދީފައިވަނީ އަލްޙާފިޒާ ޝަބީނާ އާދަމް، (އަސްވާޑް، ގއ. ދެއްވަދޫ) އަށް ކަމަށެވެ.
އިސްލާމިކް މިނިސްޓްރީން ފެށި މި މަޝްރޫއުގެ ދަށުން މިހާތަނަށް އެ ފުރުސަތު ދީފައިވަނީ އަލްޙާފިޒް އަލީ ރައީފްއަށާއި، އަލްޙާފިޒް އާސިރު އާރިފް ޔޫސުފް، އަލްޙާފިޒް އަޛިން މުޙައްމަދުގެ އިތުރުން އަލްޙާފިޒާ ސަޚިއްޔާ ޢަބްދުލް ޢަނީ އަށެވެ. ޤުރުއާން ހިތުދަސް ކުރާ ޙާފިޒުން ޢުމްރާއަށް ފޮނުވުމުގެ މަޝްރޫޢުއެއް ފައްޓަވާންމަށް ހަމަޖެހިފައިވާކަން ވަޒީރު އިޢުލާނުކުރެއްވީ ކީރިތި ޤުރުއާން ކިޔެވުމުގެ 36ވަނަ ޤައުމީ މުބާރާތުގެ ނިންމުން ފާހަގަކުރެއްވުމަށް ޓަކައި ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ.
ޤުރުއާން ހިތުދަސްކުރާ ޙާފިޒުން ޢުމްރާއަށް ފޮނުވުމުގެ މަޝްރޫޢު ފެއްޓެވުމަށްޓަކައި ބޭއްވި ރަސްމިއްޔާތުގައި ވާހަކަފުޅުދައްކަވަމުން ވަޒީރު ވިދާޅުވީ، ޤުރުއާން ހިތުދަސްކުރުމަކީ ވަރަށް ބޮޑު އަދި ވަރަށް މާތް ކަމެއްކަމަށާއި ޙިފްޒުކުރާ ކުދީން ޢުމްރާއަށް ފޮނުވުމަކީ ހިތްވަރުދިނުމުގެ ގޮތުން ކުރައްވާ ކަމެއްކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0