Read Time:3 Minute, 50 Second
(ފޮޓޯ ކްރެޑިޓްސް: ވަގުތު)
ރީހެބިލިޓޭޝަން ޕްރޮގްރާމްތަކަށް ބަދަލު ގެނެސް އެ ޕްރޮގްރާމްތަކާ ގުޅޭ ހުކުމްތަކަށް ލުއި ދިނުމަށާއި މައާފް ދިނުމަށް ރައީސް ޑރ. މުހައްމަދު މުއިއްޒު ނިންމަވައިފިއެވެ. ޖަލުތަކުގައި ހުކުމް ތަންފީޛުކުރަމުންދާ ގައިދީންނަށް ހިންގާ ރީހެބިލިޓޭޝަން ޕްރޮގްރާމްތަކާ ގުޅުވައިގެން ހުކުމަށް ލުއިދިނުމާއި މައާފުކޮށްދިނުމުގެ ފުރުސަތު ފަހިކޮށްދިނުމަށް ރައީސް ނިންމެވީ ވަޒީރުންގެ މަޖިލީހުގެ ޖަލްސާގައި މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީއިން ހުށަހެޅުއްވި ކަރުދާހަށް މަޝްވަރާކުރެއްވުމަށްފަހުއެވެ.
މި ނިންމެވުމުގެ ދަށުން، ޖަލުގެ އެތެރޭގައާއި ބޭރުގައި ތަފާތު މަސައްކަތްތައް ކުރުމުގެ ފުރުސަތު ގައިދީންނަށް ފަހިކޮށްދެވޭނެއެވެ. އަދި ރީހެބިލިޓޭޝަން ޕްރޮގްރާމްތައް ފުރިހަމަކުރާ ފަރާތްތަކަށް ހުކުމަށް ލުއިދިނުމާއި މައާފުކޮށްދިނުމުގެ ފުރުސަތު ލިބޭނެއެވެ. މި ޕްރޮގްރާމްތައް ހިންގާނީ މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީއާއި މޯލްޑިވްސް ކަރެކްޝަނަލް ސާވިސްގެ އުސޫލުތަކާ އެއްގޮތަށެވެ.
މީގެ އިތުރުން، ރީހެބިލިޓޭޝަން ފްރޭމްވޯކަށް އަމަލުކުރަން ފެށުމަށާއި، ޖަލުތަކުގައާއި ޖަލުން ބޭރުގައި ގައިދީންނަށް ވަޒީފާ އަދާކުރެވޭނެ ފުރުސަތުތައް އިތުރުކުރުމަށާއި، ކޮމިއުނިޓީ ސާވިސް އިތުރަށް ފުޅާކުރުމަށް ފިޔަވަޅުތައް އެޅުމަށް ވެސް ނިންމާފައިވެއެވެ. މި ކަންކަން ތަންފީޛުކުރުމަށްޓަކައި ސަރުކާރުގެ ކަމާގުޅުންހުރި އިދާރާތަކާ ހަވާލުކުރެވި، ޓައިމްލައިނެއް އެކުލަވާލައި، ކަންކަން ހާސިލްކުރެވޭ މިންވަރު ބެލުމަށް ވެސް ހަމަޖެހިފައިވެއެވެ.
ސަރުކާރުން ދަނީ ރާއްޖޭގައި ކުށް ކުރާ ޒުވާނުން އަދި މީހުން މަދުކުރުމަށް މަސައްކަތްތަކެއް ކުރަމުންނެވެ. އެގޮތުން މަސްތުވާތަކެތި ބޭނުންކުރާ މީހުންނަށް ފަރުވާދިނުން އަވަސްކުރުމަށް ދަނީ މަސައްކަތްތަކެއް ކުރަމުންނެވެ. ރާއްޖޭގައި މަސްތުވާތަކެއްޗަށް އަޅާނުލާ އޮތުމަށް ބަދަލު ގެނައުމަށާއި ކުށްކުރާ މީހުން މަދު ކުރުމަށް ދަނީ ހަރުދަނާ ފިޔަވަޅުތަކެއް އަޅަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0