Read Time:2 Minute, 25 Second
(ފޮޓޯ ކްރެޑިޓްސް: ވަގުތު)
އަލަށް ރިޓަޔާވާ މީހުންނަށްދޭ ޕެންޝަން ފައިސާ ނުކެނޑުމަށް ސަރުކާރުން ނިންމައިފިއެވެ. މީގެ ކުރިން ސަރުކާރުން ވަނީ އަންނަ އަހަރުގެ ޖެނުއަރީން ފެށިގެން ވަޒީފާ އިން އަލަށް ރިޓަޔާކުރާ މުވައްޒަފުންނަށް މަހުން މަހަށް ދޭ ޕެންޝަން ހުއްޓާލަން ނިންމާފައެވެ.
ސަރުކާރުގެ ވަޒީފާއިން އަލަށް ރިޓަޔާ މުވައްޒަފުންނަށް މަހުން މަހަށް ދޭ ޕެންޝަން ޖެނުއަރީން ފެށިގެން ހުއްޓާލާނެކަން ސަރުކާރުން އިއުލާނުކުރީ މިދިޔަ ހަފްތާގައި ފިނޭންސް މިނިސްޓަރު މޫސާ ޒަމީރު ސޮއިކުރައްވައި ނެރުއްވި ސިޓީއަކުންނެވެ. އަލަށް ރިޓަޔަވާ މީހުންނަށް މަހުން މަހަށް ދޭ ފައިސާ ކަނޑާލި ނަމަވެސް ރިޓަޔާވާއިރު ގަނޑުކޮށް ދޭ ފައިސާ ކުރިން ވެސް ދެމުން އައި ގޮތަށް ދިނުމަށް އޭރު ސަރުކާރުން ނިންމާފައިވެއެވެ.
އޮފިޝަލަކު ވިދާޅުވީ ކުރިން ނެރުނު އެ ސިޓީ ބާތިލްކޮށް އަލަށް ރިޓަޔާވާ ސަރުކާރު މުވައްޒަފުންނަށް މަހުން މަހަށް ޕެންޝަން ފައިސާ ދިނުމަށް ވަނީ ނިންމާފައެވެ. އަދި އެކަން މިހާރު ސަރުކާރު އޮފީސްތަކަށް އަންގާފައިވާ ކަމަށް ވެސް އޮފިޝަލު ވިދާޅުވިއެވެ. އަލަށް ރިޓަޔާ މީހުންނަށް ދޭ ޕެންޝަން ކަނޑާލުމަށް ސަރުކާރުން ނިންމުމާއި ގުޅިގެން ގިނަ ބައެއްގެ ފާޑުކިޔުން އެކަމަށް އަމާޒުވިއެވެ. އަދި ގިނަ ބަޔަކު ވަނީ އެކަމާ ނުރުހުން ފާޅުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0