Read Time:1 Minute, 30 Second
ކެބިނެޓަށް އެއްވެސް ބަދަލެއް ގެންނަވަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމަވާފައި ނުވާކަމަށް ރައީސް އޮފީހުގެ ތަރުޖަމާން ހީނާ ވަލީދު ވިދާޅުވެއްޖެއެވެ. ހީނާ މިގޮތަށް ވިދާޅުވީ މީސް މިޑިއާގައި ދެކެވެމުންދާ ވާހަކަތަކާއި ގުޅިގެންނެވެ.
ރައީސް މުއިއްޒު އެންމެ ފަހުން ކެބިނެޓަށް ބަދަލުތަކެއް ގެންނެވީ ސެޕްޓެމްބަރު 30 ގައެވެ. މިގޮތުން ހާރިޖީ ވަޒީރަކަށް ޑރ. އަބްދުﷲ ހަލީލް، މާލީ ވަޒީރަކަށް މޫސާ ޒަމީރު، ސިއްހީ ވަޒީރަކަށް އަބްދުﷲ ނާޒިމް އައްޔަން ކުރައްވާފައި ވެއެވެ.
ވަޒީރުންގެ މަގާމުތައް ބަދަލު ކުރެއްވީ ކުރިން މާލީ ވަޒީރަކަށް ހުންނެވި ޑރ. މުހައްމަދު ޝަފީގު އެ މަގާމުން އިސްތިއުފާ ދެއްވުމުންނެވެ. އޭނާ އިސްތިއުފާ ދެއްވި ސަބަބެއް މިހާތަނަށް ސަރުކާރުން ހާމައެއް ނުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0