Read Time:2 Minute, 14 Second
(ފޮޓޯ ކްރެޑިޓްސް: ރައީސް އޮފީސް)
މިއަހަރުގެ ތެރޭގައި ވަޠަނީ ޕްރޮގްރާމްގެ އިތުރު ދެ ބެޗް ކުރިއަށްގެންގޮސް، އަހަރަކު 1000 އެއްހާ ކުދިން ތަމްރީނުކުރުމަކީ އަމާޒެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. މިހާތަނަށް 600 އަށްވުރެ ގިނަ ޒުވާނުން މި ޕްރޮގްރާމް ފުރިހަމަކޮށްފައިވާއިރު، އޭގެ ތެރެއިން ގިނަ ކުދިން މިހާރު ތިބީ ވަޒީފާތަކުގައެވެ. މިއީ ޤައުމުދެކެ ލޯބިވާ، ދީނަށް ޙުރުމަތްތެރިކޮށް ހިތާ، އަދި ޒިންމާދާރު އިންސާނީ ވަޞީލަތްތަކެއް ބިނާކުރުމަށް ސަރުކާރުން ކުރިއަށްގެންދާ މުހިއްމު މަސައްކަތެކެވެ.
މި ޕްރޮގްރާމްގެ ސަބަބުން ކުދިންގެ އަޚުލާޤަށާއި، ވަގުތަށް ކަމޭހިތުމަށާއި، އަދި އަމިއްލަ ނަފްސަށް އޮންނަ އިތުބާރަށް ބޮޑެތި ހެޔޮ ބަދަލުތަކެއް އަންނަކަން ބައިވެރިންނާއި ބެލެނިވެރިން ފާހަގަކުރެއެވެ. މިދިޔަ އަހަރު އޮކްޓޫބަރު މަހު ފެށި މި ޕްރޮގްރާމް ނިންމާ ކުދިންނަށް ސަރުކާރުގެ މުއައްސަސާތަކުން ވަޒީފާގެ ފުރުޞަތުތައް ފަހިކޮށްދިނުމަށް ވަނީ ހަމަޖެހިފައެވެ. ރައީސް ވަނީ މި ޕްރޮގްރާމް ކާމިޔާބުކަމާއެކު ހިންގުމުގައި އެހީތެރިވާ ހުރިހާ މުއައްސަސާތަކަށާއި ބެލެނިވެރިންނަށް ޝުކުރު އަދާކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0