Read Time:2 Minute, 3 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މިއަހަރުގެ މެއި 14ގެ ނިޔަލަށް ސޮވަރިން ޑިވެލޮޕްމަންޓް ފަންޑް (އެސްޑީއެފް) އަށް 923 މިލިޔަން ރުފިޔާ ޖަމާކޮށްފައިވާކަމަށް މާލީ ވުޒާރާގެ ތަފާސްހިސާބުތަކުން ދައްކައެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 18 އިންސައްތައިގެ އިތުރުވުމެކެވެ. ހަމައެއާއެކު، ދައުލަތުގެ ދަރަނި ދެއްކުމަށް ކުރި ހޭދަވެސް ވަނީ ވަރަށް ބޮޑަށް އިތުރުވެފައެވެ. އެގޮތުން، އަހަރުގެ މިހާތަނަށް ލޯނުތައް އަނބުރާ ދެއްކުމަށް 8.6 ބިލިޔަން ރުފިޔާ ޚަރަދުކޮށްފައިވާއިރު، މިއީ މިދިޔަ އަހަރާ އަޅާބަލާއިރު 244 އިންސައްތަ އިތުރު އަދަދެކެވެ. މި ދަރަނިތަކުގެ ތެރޭގައި 500 މިލިޔަން ޑޮލަރުގެ ސުކޫކާއި 400 މިލިޔަން ޑޮލަރުގެ ކަރަންސީ ސްވޮޕް ހިމެނޭއިރު، މި ފައިސާ ދައްކާފައިވަނީ ސޮވަރިން ފަންޑާއި ރިޒާވުންނެވެ. އެސްޑީއެފް އަކީ އިޤްތިޞާދީ ލޮޅުންތަކުން ސަލާމަތްވުމަށާއި ބޮޑެތި ލޯނުތައް ދެއްކުމަށް 2016 ވަނަ އަހަރު އުފެއްދި ފަންޑެކެވެ. މި ފަންޑަށް މައިގަނޑު ގޮތެއްގައި އާމްދަނީ ޖަމާކުރަނީ އެއާޕޯޓް ޑިވެލޮޕްމަންޓް ފީ އާއި އެމްއޭސީއެލްގެ ފައިދާއިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0