Read Time:2 Minute, 4 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދުނިޔޭގެ މަސްވެރިކަމުގެ ސިޔާސަތުތައް ކަނޑައަޅާ ބައިނަލްއަޤްވާމީ މަންސަތަކުގައި ރާއްޖޭގެ ދައުރު ފުޅާކޮށް، މުހިންމު ކާމިޔާބީތަކެއް ހާސިލްކުރަމުންދާކަމަށް މަސްވެރިކަމާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ. ވަޒީރު ފާހަގަކުރެއްވި ގޮތުގައި، ރާއްޖޭގެ މަހަށް ރަނގަޅު އަގެއް ހޯދުމަށާއި ބޭރުގެ ބާޒާރުތަކުން ނަގާ ޓެރިފްތައް ކުޑަކުރުމަށްޓަކައި ބައިނަލްއަޤްވާމީ މައިދާނުގައި ރާއްޖޭގެ އަޑު އުފުލުން އިންތިހާއަށް މުހިންމެވެ. އެގޮތުން ދާދިފަހުން ރާއްޖޭގައި ބޭއްވި އިންޑިއަން އޯޝަން ޓޫނާ ކޮމިޝަން (އައިއޯޓީސީ) ގެ ބައްދަލުވުމުގައި ރާއްޖެއިން ހުށަހެޅި މުހިންމު ކަންތައްތަކެއް ފާސްވެފައިވާކަމާއި، ވަކިން ހާއްސަކޮށް ރާއްޖެއަށް ލިބިފައިވާ ބޮޑުކަންނެލީގެ ކޯޓާ ދަށްނުކޮށް ހިފެހެއްޓުމަކީ މަސްވެރިކަމުގެ ސިނާޢަތަށް ލިބުނު ބޮޑު ކުރިއެރުމެއްކަން ވަޒީރު ފާހަގަކުރެއްވިއެވެ. މިފަދަ ބައްދަލުވުންތަކުގެ ރިޔާސަތު ބެލެހެއްޓުމާއި ހަރަކާތްތެރިވުމަކީ ރާއްޖޭގެ މަސްވެރިކަމުގެ ކުރިމަގަށް އެޅޭ ވަރުގަދަ ބިންގަލެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0