Read Time:1 Minute, 41 Second
ޢީދު ބަންދާ ދިމާކޮށް އެތެރޭގެ އުދުހުންތަކަށް އޮތް ބާރު ބޮޑުވުމުން، މޯލްޑިވިއަނުން އާންމު ޝެޑިއުލްގެ ބޭރުން 213 ދަތުރު އިތުރުކޮށް، ޖުމްލަ 1277 ފްލައިޓް މޫވްމެންޓް ކުރިއަށް ގެންދަން ނިންމައިފިއެވެ. ސަރުކާރުގެ ތަރުޖަމާނު މުޙައްމަދު ޙުސައިން ޝަރީފް ވިދާޅުވީ، މޭ 17 އިން ޖޫން 2 އަށް ކުރާ މި ދަތުރުތަކުގައި 64،000 ސީޓު ވިއްކާނެ ކަމަށް އަންދާޒާކުރެވޭ ކަމަށެވެ. މޯލްޑިވިއަނުން މި ދަތުރުތައް ކުރަނީ ވިޔަފާރި އުސޫލަށްވުރެ ބޮޑަށް އާންމު ޚިދުމަތެއްގެ ގޮތުގައިކަން ފާހަގަކުރައްވަމުން ތަރުޖަމާނު ވިދާޅުވީ، މިހާރުގެ ކެޕޭސިޓީން އިތުރު ކުރެވެން އޮތް އެންމެ މަތީ މިންވަރަށް ފްލައިޓްތައް އިތުރުކޮށްފައިވާ ކަމަށެވެ. މީގެ އިތުރުން، ދަތުރުފަތުރުގެ ނިޒާމު ހަރުދަނާކުރުމަށް ސަރުކާރުން މިހާރު ވަނީ ދެކުނުގެ އަތޮޅުތަކުގައި ސަރަހައްދީ ދަތުރުފަތުރުގެ ނެޓްވޯކެއްވެސް ގާއިމްކުރަން ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0