Read Time:1 Minute, 38 Second
އިނގިރޭސި ޕްރިމިއާ ލީގުގެ ފަހު މެޗުގައި ރޭ ޗެލްސީ 2-1 އިން ބަލިކޮށް، 53 އަހަރަށްފަހު ފުރަތަމަ ފަހަރަށް ސަންޑަލޭންޑުން ޔޫރަޕްގެ މުބާރާތަކުން ޖާގަ ހޯދައިފިއެވެ. މި މޮޅާއެކު ތާވަލުގެ ހަތްވަނަ ލިބި ސަންޑަލޭންޑަށް އަންނަ ސީޒަނުގެ ޔޫރޮޕާ ލީގުން ފުރުސަތު ކަށަވަރުވިއިރު، މިއީ 1973 ވަނަ އަހަރުގެ ފަހުން އެ ޓީމު ޔޫރަޕްގައި ކުޅޭ ފުރަތަމަ ފަހަރެވެ. މެޗުން ބަލިވި ޗެލްސީއަށް ތާވަލުގެ 10 ވަނަ ލިބުނު ނަމަވެސް، އަންނަ ސީޒަނުގެ ޔޫރަޕްގެ އެއްވެސް މުބާރާތަކުން އެ ޓީމަށް ފުރުސަތެއް ނެތެވެ. މެޗުގައި ސަންޑަލޭންޑުގެ ލަނޑު ޓްރޭ ހޫމް ޖެހިއިރު، ދެވަނަ ލަނޑަކީ ޗެލްސީގެ ގުސްޓޯ އަތުން ބައިކޮޅަށް ވަން ލަނޑެކެވެ. ޗެލްސީގެ ހަމައެކަނި ލަނޑު ކޯލް ޕާމާ ކާމިޔާބުކުރިއިރު، އެ ޓީމުގެ ފޮފާނާއަށް ރަތްކާޑު ދެއްކުމުން މެޗުގެ ފަހުބައި އެ ޓީމުން ފުރިހަމަކުރީ އެއް ކުޅުންތެރިއަކު މަދުކޮށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0