Read Time:2 Minute, 6 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
އެމްޑީޕީގެ ޗެއާޕާސަން އިންތިޚާބާ ދިމާކޮށް، ކުރީގެ ރައީސް މުޙައްމަދު ނަޝީދާއި މަޖިލިސް މެންބަރު މީކާއިލް އަޙްމަދު ނަސީމާ ދެމެދު ބޮޑު ބަހުސެއް ވަނީ އުފެދިފައެވެ. މި މައްސަލަ ފެށުނީ، ޕާޓީ ދޫކޮށް ވަޑައިގަތުމަށްފަހު އަލުން ގުޅިވަޑައިގަތުމުން އާންމު މެންބަރުންގެ ކިބައިން މައާފަށް އެދުމުގެ ތެރޭގައި، އާންމު މެންބަރުންވެސް އެމަނިކުފާނުގެ އަރިހުން މައާފަށް އެދެންޖެހޭނެ ކަމަށް ރައީސް ނަޝީދު ވިދާޅުވުމާ ގުޅިގެންނެވެ.
މިކަމަށް ރައްދު ދެއްވަމުން މީކާއިލް ވިދާޅުވީ، އެމްޑީޕީގެ އާންމު މެންބަރުން އެއްވެސް މީހެއްގެ ކިބައިން މައާފަށް އެދެން ނުޖެހޭނެ ކަމަށާއި، ސިޔާސީ ބޭފުޅުންނަށް ލިބިފައިވާ ހުރިހާ މަގާމުތަކާއި ޝަރަފަކީ އާންމު މެންބަރުންގެ ގުރުބާނީގެ ނަތީޖާ ކަމަށެވެ. އަދި 2023 ވަނަ އަހަރުގެ އިންތިޚާބާ ދިމާކޮށް ރައީސް ނަޝީދު ޕާޓީ ދޫކޮށް ވަޑައިގަތީ އާންމު މެންބަރުން މަގުމަތިކޮށްލުމަށްފަހު ސިޔާސީ މަންފާއަކަށް ކަމަށްވެސް މީކާއިލް ތުހުމަތު ކުރެއްވިއެވެ. މި އިންތިޚާބުގައި ކުރީގެ ރައީސް ޞާލިޙު ތާއީދު ކުރައްވަނީ މީކާއިލަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0