Read Time:2 Minute, 10 Second
ޕްލާސްޓިކް ފުޅީގައި ބަންދުކޮށްފައި ހުންނަ ބޯފެން ގިނައިރު އަވީގައި ބެހެއްޓުމަކީ އޭގެ ސަބަބުން ސިއްހީ ބޮޑެތި ނުރައްކާތަކެއް ކުރިމަތިވާ ކަމެކެވެ. އެމް.އެފް.ޑީ.އޭ އިން ހާމަކޮށްފައިވާ ގޮތުގައި، މިގޮތަށް ފެން އަވީގައި ބެހެއްޓުމުން ފުޅީގައި ހުންނަ ކެމިކަލާއި ހެވީ މެޓަލް ފެނުގެ ތެރެއަށް ލަިއިވެ، ކެންސަރު ފަދަ ނުރައްކާތެރި ބަލިތަކަށް މަގުފަހިވެއެވެ. މީގެ އިތުރުން ފެނުގެ ކޮލިޓީ ދަށްވެ، ބަލިޖައްސާ ޖަރާސީމު އުފެދުމަށް ފުރުސަތު ލިބެއެވެ.
ރާއްޖޭގައި ފެން އުފައްދާ ކުންފުނިތަކުން ފެން ޑެލިވަރީ ކުރުމުގައާއި، ފިހާރަތަކުން ފެން ރައްކާކުރުމުގައި މި އިހުމާލު ވަރަށް ބޮޑަށް ފެންނަން އޮވެއެވެ. އެމް.އެފް.ޑީ.އޭ އިން މިހާރު އަމަލުކުރަމުންދާ އުސޫލުގެ ދަށުން ބަލަނީ ފެން އުފައްދާ ތަނުން ކަސްޓަމަރުންނާ ހަވާލުކުރާ ހިސާބަށެވެ. ފިހާރަތަކާއި ގުދަންތައް ގަވާއިދުން މޮނިޓާ ނުކުރެވޭއިރު، ޝަކުވާއެއް ލިބިގެން ބެލިޔަސް އަޅަނީ ހަމައެކަނި އިރުޝާދު ދިނުމުގެ ފިޔަވަޅެވެ. އެހެންކަމުން، އާންމު ސިއްހަތު ރައްކާތެރިކުރުމަށްޓަކައި މިކަމުގައި މިހާރަށްވުރެ ހަރުކަށި ފިޔަވަޅުތަކެއް އަޅަންޖެހޭކަން ފާހަގަކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0