Read Time:2 Minute, 24 Second
ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަންގައި ވާދަކުރައްވާ ޕީއެންސީގެ ކެންޑިޑޭޓް އަހުމަދު ސައީދު (ސޮޑާ)ގެ ކެމްޕޭން ޖަލްސާގައި ވާހަކަދައްކަވަމުން، މަޖިލީހުގެ ރައީސް އަބްދުއްރަހީމް އަބްދުއްލާ ވިދާޅުވީ، ސަރުކާރު ޖަވާބުދާރީކުރުވުމުގައި އިދިކޮޅު އެމްޑީޕީން މަޖިލީހުގައި އެދެވޭ މަސައްކަތެއް ނުކުރާ ކަމަށެވެ. އަދި އެމްޑީޕީގެ ކެންޑިޑޭޓް އަބްދުﷲ ސޯދިގު (ސޯބެ) އިންތިހާބު ވިޔަސް އެ މަސައްކަތަށް އިތުރު ކުރިއެރުމެއް ލިބޭނެ ކަމަށް ގަބޫލުނުކުރައްވާ ކަމަށް އޭނާ ވިދާޅުވިއެވެ.
މީގެ އިތުރުން، ރައީސް ޑރ. މުހައްމަދު މުއިއްޒުގެ އިތުބާރު ނެތްކަމުގެ ވޯޓެއް ނެގުމަށް އިދިކޮޅު ފަރާތްތަކުން މަސައްކަތް ކުރިޔަސް، އެ ފުރުސަތު މަޖިލީހުގެ ތެރެއިން ނުދެއްވާނެ ކަމުގެ ޔަގީންކަން އަބްދުއްރަހީމް ދެއްވިއެވެ. އޭނާ ވިދާޅުވީ ޕީއެންސީއަށް މަޖިލީހުގެ ސުޕަ މެޖޯރިޓީ ރައްޔިތުން ދިނީ ރައީސްގެ ވެރިކަން ކުރިއަށް ގެންދިއުމަށް މަގުފަހިކޮށްދިނުމަށް ކަމަށާއި، މި ދާއިރާގެ ގޮނޑި ކާމިޔާބު ކުރުމަކީ ތަރައްގީއަށް މުހިއްމު ކަމެއް ކަމަށެވެ. މާޒީގައި އައްޑޫގައި ހިނގާދިޔަ ހަމަނުޖެހުންތަކަށް އިޝާރާތް ކުރައްވައި، އަބްދުއްރަހީމް ވަނީ އެފަދަ ކަންކަމުގައި ބައިވެރިވި ފަރާތްތަކަށް ވޯޓު ނުދިނުމަށް ގޮވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0