Read Time:2 Minute, 16 Second
(ފޮޓޯ ކްރެޑިޓްސް: ވަގުތު)
ފެހި ގާނޫނުއަސާސީގެ ދަށުން މިހާތަނަށް އެންމެ ދަތި ހާލަތެއްގައި ވެރިކަން ކުރައްވަން ޖެހިވަޑައިގަތީ ރައީސް ޑރ. މުހައްމަދު މުއިއްޒު ކަމަށް ޕީއެންސީގެ ޕީޖީ ގްރޫޕުގެ ސީނިއާ ޑެޕިއުޓީ ލީޑަރު އިބްރާހީމް ޝުޖާއު ވިދާޅުވެއްޖެއެވެ. އޭނާ ފާހަގަކުރެއްވި ގޮތުގައި، މި ސަރުކާރު ހަވާލުވިއިރު އިގްތިސާދު އޮތީ ނާޒުކު ފައްތަރެއްގައި ކަމަށާއި، ސަރުކާރު ހިންގުމަށް އެކަނިވެސް 300 މިލިއަން ޑޮލަރު ބޭނުންވެފައި އޮތެވެ. ނިމިދިޔަ ސަރުކާރުގެ ހިސާބުތަކުން މި އަހަރު ރާއްޖެ ބަނގުރޫޓުވާނެ ކަމަށް ދެއްކި ނަމަވެސް، ރައީސް މުއިއްޒު ގެންދަވަނީ އިތުރު ލޯނެއް ނުނަގައި، ކުރީގެ ދަރަނިތައް ދައްކަވަމުން ތަރައްގީގެ މަޝްރޫއުތައް ކުރިއަށް ގެންދަވަމުންނެވެ.
މިގޮތުން ވޭތުވެދިޔަ ކުރު މުއްދަތުގައި 21 ރަށަކުން 1،100 ހެކްޓަރުގެ ބިން ހިއްކައި، އެއާޕޯޓުތަކާއި ފްލެޓްތަކުގެ މަސައްކަތް ބާރުދުވެލީގައި ކުރިއަށްދާކަން ޝުޖާއު ފާހަގަކުރެއްވިއެވެ. މީގެ އިތުރުން ރަމަޟާން މަހު ކަރަންޓު ބިލުތަކުން ބޮޑު ލުޔެއް ދީ، ރައްޔިތުންނަށް ބޭނުންވާ އަސާސީ ހިދުމަތްތައް މެދުނުކެނޑި ފޯރުކޮށްދިނުމަކީ މި ސަރުކާރުން ހޯދާފައިވާ ބޮޑު ކާމިޔާބީއެއް ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0