Read Time:2 Minute, 0 Second
ކޯޓުގެ ހުރުމަތް ކެނޑި މައްސަލައެއްގައި 10 ދުވަހުގެ ޖަލު ހުކުމެއް ތަންފީޒުކުރުމަށްފަހު މިނިވަންވި “އަދަދު” ނޫހުގެ ނޫސްވެރިޔާ ލީވާން އަލީ ނާސިރު ޖަލުގެ ހާލަތާ މެދު ހިތްހަމަނުޖެހުން ފާޅުކޮށްފިއެވެ. ލީވާން ބުނި ގޮތުގައި ޖަލަކީ އިންސާނުން އުޅެން އެކަށީގެންވާ ތަނެއް ނޫން ކަމަށާއި، އޭނާ ބެހެއްޓި ގޮޅީގައި ނިދަން ޖެހުނީ ބިންމަތީގައި ކުނަލެއް އަޅައިގެން ކަމަށެވެ. އަދި ފާހާނާ އާއި ފެންވަރާ ތަން ވަކިނުވާތީ މުޅި ގޮޅި ތެމޭ ކަމަށާއި، ޖަލުގައި ދޭ ކާއެއްޗެހީގައި އެއްވެސް ރަހައެއް ނުހުންނަ ކަމަށް އޭނާ ފާހަގަކުރިއެވެ. ހާއްސަކޮށް ހެނދުނު ދޭ ރޮއްޓާއި ކުކުޅު ރިހައިގައި ކުކުޅު ރަހަ ނުލާ ކަމުގެ ޝަކުވާ އޭނާ ވަނީ ކޮށްފައެވެ. ނަމަވެސް، ލީވާންގެ މި ވާހަކަތަކާ ގުޅިގެން މީސްމީޑިއާގައި ގިނަ ބައެއްގެ ފާޑުކިޔުން ވަނީ އަމާޒުވެފައެވެ. ގިނަ ބަޔަކު ބުނަމުންދަނީ ޖަލަކީ އަރާމުކުރަން އޮންނަ ރިސޯޓެއް ނޫން ކަމަށާއި، އެހެން ގައިދީން ބިންމަތީގައި ނިދަމުން ދަނިކޮށް ލީވާނަށް އެނދެއް ހަމަޖައްސައިދިނުމަކީ ވެސް އޭނާއަށް ދިން ހާއްސަ އިނާޔަތެއް ކަމަށެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0