Read Time:2 Minute, 27 Second
(ފޮޓޯ ކްރެޑިޓްސް: ރައީސް އޮފީސް)
ބިދޭސީންގެ މައްސަލަ ހައްލުކުރުމުގައި ރާއްޖެއިން ދުނިޔޭގެ ފެންވަރުގެ ބޮޑު ކާމިޔާބީއެއް ހޯދާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. “ނޭޝަން ޗެޓް” ޕްރޮގްރާމުގައި ވާހަކަފުޅު ދައްކަވަމުން ރައީސް ވިދާޅުވީ، މާނަހުރި ތަރައްޤީއަކީ ހަމައެކަނި އުސް އިމާރާތްތަކެއް ނޫން ކަމަށާއި، އެއީ މުޖުތަމައުގެ ހަމަޖެހުމަށްޓަކައި އިޖުތިމާއީ ބޮޑެތި މައްސަލަތައް ހައްލުކުރުން ކަމަށެވެ.
ބިދޭސީންގެ މައްސަލަ ހައްލުކުރުމަށް މި ސަރުކާރުން ކުރި މަސައްކަތުން، ރާއްޖޭގައި ތިބި ބިދޭސީންގެ 99 އިންސައްތަ މީހުންގެ ބަޔޯމެޓްރިކްސް މިހާރު ވަނީ ނަގާ ނިންމާފައެވެ. ތަފާސްހިސާބުތަކުން ދައްކާގޮތުގައި ނިމިދިޔަ ސަރުކާރުގެ ފަސް އަހަރު ތެރޭގައި ބަޔޯމެޓްރިކްސް ނެގުނީ 27,200 މީހުންގެ ކަމަށްވީ ނަމަވެސް، މި ސަރުކާރުގެ މިވީ ކުރު މުއްދަތުގައި 206,400 މީހުންގެ ބަޔޯމެޓްރިކްސް ވަނީ ނަގާފައެވެ. މިއީ ޔޫއޭއީ އާއި ސިންގަޕޫރު ފަދަ ކުރިއަރާފައިވާ ގައުމުތަކާ އެއް ފެންވަރެއްގެ ކާމިޔާބީއެއްކަން ރައީސް ފާހަގަކުރެއްވިއެވެ. މީގެ އިތުރުން، ގަވާއިދާ ހިލާފަށް އުޅޭ ބިދޭސީން ރިޕޯޓްކުރުމުގެ އަދަދުވެސް ކުރީގެ ސަރުކާރުތަކާ އަޅާބަލާއިރު ވަރަށް ބޮޑަށް އިތުރުވެފައިވާކަން އެމަނިކުފާނު ހާމަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0