Read Time:2 Minute, 25 Second
(ފޮޓޯ ކްރެޑިޓްސް: ރައީސް އޮފީސް)
އިނގިރޭސިވިލާތަށް އެތެރެކުރާ ކަނޑުމަހުގެ ބައެއް ބާވަތްތަކުން ނަގަމުން އައި ޓެރިފް ދެ އަހަރު ދުވަހުގެ މުއްދަތަށް އުވާލުމަށް އެ ޤައުމުން ނިންމުމަކީ ދިވެހި މަސްވެރިކަމުގެ ސިނާޢަތަށް ލިބުނު ވަރަށް ބޮޑު ކުރިއެރުމެކެވެ. ރާއްޖެ ތަރައްޤީވަމުން އަންނަ ޤައުމަކަށް ބަދަލުވުމާ ގުޅިގެން ކުރިން ކުރިމަތިވި 20 އިންސައްތައިގެ ޓެރިފް މި ބަދަލާއެކު އުނިވެގެންދާނެއެވެ. މިއީ ވަކި ޤައުމަކަށް ޚާއްޞަ އިސްތިސްނާއެއްގެ ގޮތުގައި ނޫން ނަމަވެސް، އިނގިރޭސި ބާޒާރުގެ ވާދަވެރިކަމަށް ބަލާއިރު މީގެ އެންމެ ބޮޑު ފައިދާއެއް ކުރާނީ ދެމެހެއްޓެނިވި ގޮތެއްގައި މަސްވެރިކަން ކުރާ ރާއްޖެއަށެވެ.
މި ލުއި ހޯދުމަށްޓަކައި ދިވެހި ސަރުކާރުތަކުން ގިނަ ދުވަސްތަކެއް ވަންދެން މެދުނުކެނޑި ވަނީ މަޝްވަރާކޮށްފައެވެ. ޚާއްޞަކޮށް މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އިނގިރޭސިވިލާތުގައި ތިއްބެވި ދިވެހި ސަފީރުން ކުރެއްވި މަސައްކަތް ފާހަގަކޮށްލެވެއެވެ. އިނގިރޭސިވިލާތަކީ ރާއްޖެއިން ދެވަނައަށް އެންމެ ގިނައިން މަސް އެކްޕޯޓްކުރާ ޤައުމަށް ވާއިރު، މި ނިންމުމުގެ ސަބަބުން ދިވެހި މަހުގެ އުފެއްދުންތަކަށް ބާޒާރުގައި ރަނގަޅު އަގެއް ލިބި، މަސްވެރިންނަށް އިޤްތިޞާދީ ގޮތުން ބޮޑެތި ފައިދާތަކެއް ކުރާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0