Read Time:2 Minute, 5 Second
(ފޮޓޯ ކްރެޑިޓްސް: އެމްއެންޑީއެފް)
ނޭޝަނަލް ސަރވިސް އިނީޝަލް ޓްރެއިނިންގ ކޯހުގެ ދަރިވަރުން ގޮވައިގެން މާފިލާފުށިން މާލެއަށް ދަތުރުކުރި ލޯންޗެއް ފަޅައިގެންގޮސް އަޑިއަށްދިޔަ ހާދިސާގައި، އެ އުޅަނދުގައި ތިބި 60 އެއްހާ އަންހެން ކުދިން ވަނީ ކަނޑަށް ބާލާފައެވެ. ރޭގަނޑުގެ ވަގުތެއްގައި ހިނގި މި ހާދިސާގައި، ކުއްލިއަކަށް ލޯންޗުން ފުންމާލަން ޖެހުމުން ބައެއް ކުދިން ޖެހިލުންވި ނަމަވެސް، ވަޠަނީ ޚިދުމަތުގެ ތަމްރީނުން ލިބިފައިވާ ހިތްވަރާއި ތަޖުރިބާގެ ބޭނުންކޮށްގެން އެންމެން ވަނީ ކަނޑަށް ފުންމާލައި، އެކަކު އަނެކަކަށް އެހީތެރިކަން ފޯރުކޮށްދީފައެވެ. އެމްއެންޑީއެފް އާއި މެރިން ޕޮލިސް ގުޅިގެން ކުރި މަސައްކަތުން، ކަނޑަށް ފުންމާލި އެންމެން ސަލާމަތްކޮށް ރޭ 7:30 ހާއިރު ވަނީ މާލެ ގެނެސްފައެވެ. މި ހާދިސާއިން ސަލާމަތްވުމުގައި، ދަރިވަރުންނަށް ދީފައިވާ ފަސްޓް އެއިޑާއި، ސެލްފް ޑިފެންސް އަދި އެހެނިހެން އަސްކަރީ ތަމްރީނުތަކުގެ ސަބަބުން ވަރަށް ބޮޑު އެހީތެރިކަމެއް ލިބުނުކަން ދަރިވަރުން ފާހަގަކުރެއެވެ. މި ކުދިންނަކީ މި މަހުގެ 17 ވަނަ ދުވަހު ތަމްރީނުތައް ނިންމި ދަރިވަރުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0