Read Time:1 Minute, 49 Second
ވަޠަނީ ޚިދުމަތުގެ ޕްރޮގްރާމުގެ ދެވަނަ ބެޗުގެ ދަސްވެނިވުމުގެ ރަސްމިއްޔާތުގައި ވާހަކަފުޅު ދައްކަވަމުން، ދިފާޢީ ވަޒީރު ޙަސަން ރަޝީދު ވަނީ މުޖުތަމަޢުގެ ނޭދެވޭ ކަންކަމުން ދުރުހެލިވެ، ތަމްރީނުން ލިބުނު ހުނަރުތަކުގެ ބޭނުން ހިފުމަށް ޒުވާނުންނަށް ގޮވާލައްވާފައެވެ. ރައީސުލްޖުމްހޫރިއްޔާގެ އިސްނެންގެވުމުގެ މަތިން ފެށި މި ޕްރޮގްރާމަކީ ޒުވާނުން ހަރުދަނާ ބަޔަކަށް ހެދުމަށް ހިންގޭ ކާމިޔާބު މަސައްކަތެއްކަން ފާހަގަކުރައްވައި، މިއަހަރުގެ ބާކީ އޮތް މުއްދަތުގައި އިތުރު ދެ ބެޗެއް ކުރިއަށް ގެންދާނެ ކަމަށް ވަޒީރު ވިދާޅުވިއެވެ. މި ތަމްރީނުގެ ތެރެއިން ދީނީ، ޢިލްމީ އަދި ޖިސްމާނީ ގޮތުން ދަސްވި ކަންކަމުގެ އެހީގައި ބެލެނިވެރިންގެ އުއްމީދުތައް ޙާޞިލުކޮށްދިނުމަށް މަސައްކަތް ކުރުމަށްވެސް ވަޒީރު އިރުޝާދު ދެއްވިއެވެ. މީގެއިތުރުން، ޤައުމީ ޚިދުމަތުގައި ވަކިވެދިޔަ ހިތްވަރުގަދަ ސިފައިންގެ ބޭކަލެއްގެ ޒިކުރާވެސް ވަޒީރު ވަނީ އައުކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0