Read Time:2 Minute, 1 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދިވެހި ވަޠަނީ ޚިދުމަތް ނުވަތަ ނޭޝަނަލް ސަރވިސްގެ ދެވަނަ ބެޗުގެ އަސާސީ ތަމްރީނުތައް ނިންމައި 344 ދަރިވަރުން ދަސްވެނިވެއްޖެއެވެ. ޅ. މާފިލާފުށީގައި ބޭއްވި މި ރަސްމިއްޔާތު ޝަރަފުވެރިކޮށްދެއްވީ ދިފާޢީ ވަޒީރު ޙަސަން ރަޝީދެވެ. ތިން މަސްދުވަހުގެ މުއްދަތަށް ކުރިއަށްދިޔަ މި ތަމްރީނުތަކުގައި ޤައުމިއްޔަތާއި، ދީނީ ތަޢުލީމާއި، ލީޑަރޝިޕް އަދި އަސާސީ އަސްކަރީ ހުނަރުތައް އުނގަންނައިދީފައިވެއެވެ.
މި ޕްރޮގްރާމް ފުރިހަމަކުރި ދަރިވަރުންނަށް އެކި ދާއިރާތަކުން ސެޓްފިކެޓްތައް ދީފައިވާއިރު، މީގެ ތެރެއިން ހޮވޭ ކުދިންނަށް ބ. ކިހާދޫގައި ފަންނީ ތަމްރީނު ހޯދުމުގެ ފުރުސަތު ލިބޭނެއެވެ. އަދި ބާކީ ތިބި ކުދިންނަށް ސަރުކާރު މެދުވެރިކޮށް ވަޒީފާގެ ފުރުސަތުތައް ފަހިކޮށްދިނުމަށް ވަނީ ހަމަޖެހިފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިސްނަންގަވައިގެން ފެއްޓެވި މި ޚިދުމަތުގެ މަޤްޞަދަކީ ޒުވާނުންގެ ކިބައިގައި ޤައުމީ ރޫޙާއި އިސްލާމީ އަޚްލާޤު އާލާކޮށް، ޒިންމާދާރު ރައްޔިތުންތަކެއް ބިނާކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0