Read Time:1 Minute, 40 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ގެއްލުނު ފަތުރުވެރިން ހޯދުމުގެ ނުރައްކާތެރި ރެސްކިއު އޮޕަރޭޝަނެއްގައި އުޅެނިކޮށް ޑީކޯވެގެން ނިޔާވި ސިފައިންގެ ޑައިވަރު، މަރްޙޫމް ސާޖަންޓް ފަސްޓް ކްލާސް މުޙައްމަދު މަޙުދީ، ރަސްމީ އިއްޒަތުގައި ފަސްދާނުލައިފިއެވެ. އިސްލާމީ މަރުކަޒުގައި ބޭއްވި މަރްޙޫމްގެ ކަށުނަމާދާއި ޖަނާޒާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ދައުލަތުގެ އިސްވެރިންގެ އިތުރުން ގިނަ އަދަދެއްގެ އާންމުން ބައިވެރިވިއެވެ. މަރްޙޫމަށް އިހުތިރާމް އަދާކުރުމުގެ ގޮތުން ހަތް ބަޑީގެ ސަލާމެއް އެރުވުމަށްފަހު، އެމަނިކުފާނުގެ ސަންދޯކުގައި އޮތް ގައުމީ ދިދަ ރައީސުލްޖުމްހޫރިއްޔާ ވަނީ އާއިލާއާ ހަވާލުކުރައްވާފައެވެ. މަޙުދީ ނިޔާވީ ވ. އަތޮޅުގައި ގެއްލުނު އިޓަލީ ފަތުރުވެރިން ހޯދުމަށް ކުރިއަށްގެންދިޔަ ހާއްސަ ހައި-ރިސްކު އޮޕަރޭޝަނުގެ ތެރެއިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0