Read Time:2 Minute, 23 Second
(ފޮޓޯ ކްރެޑިޓްސް: އެސްޓީއޯ)
އެސްޓީއޯގެ މިއަހަރުގެ އަހަރީ އާންމު ޖަލްސާގައި، މިދިޔަ އަހަރުގެ ފައިދާއިން ހިއްސާއަކަށް 85 ރުފިޔާ ބެހުމަށް ފާސްކޮށްފިއެވެ. މިއީ ފަހުގެ ތާރީޚެއްގައި އެކުންފުނިން ހިއްސާގެ ފައިދާގެ ގޮތުގައި ބަހަން ނިންމި އެންމެ ބޮޑު އަދަދެވެ. މިދިޔަ އަހަރު އެސްޓީއޯއަށް އާމްދަނީގެ ގޮތުގައި 15.55 ބިލިޔަން ރުފިޔާ ލިބިފައިވާއިރު، ސާފު ފައިދާގެ ގޮތުގައި 763 މިލިޔަން ރުފިޔާ ވަނީ ލިބިފައެވެ.
ޖުމްލަ 263 ހިއްސާދާރުން ބައިވެރިވި މި ޖަލްސާގައި، އާންމު ހިއްސާދާރުންގެ ފަރާތުން ކުންފުނީގެ ބޯޑަށް މުޙައްމަދު އަޙުސަން ސަލީމް ވަނީ އައްޔަންކޮށްފައެވެ. މީގެ އިތުރުން، ކުރިއަށް އޮތް އަހަރަށް ކުންފުނީގެ އޮޑިޓަރުގެ ގޮތުގައި އާނެސްޓް އެންޑް ޔަންގް ހަމަޖައްސައި، މާލީ ރިޕޯޓުތަކާއި އެހެނިހެން މުހިންމު ނިންމުންތައް ވަނީ ފާސްކޮށްފައެވެ.
އެސްޓީއޯގެ މެނޭޖިންގ ޑިރެކްޓަރ ޝީމާދު އިބްރާހީމް ވިދާޅުވި ގޮތުގައި، ކުންފުނީގެ އަމާޒަކީ ކުރިއަށް އޮތް 5 އަހަރުގެ ސްޓްރެޓީޖިކް ޕްލޭނެއްގެ ދަށުން ވިޔަފާރި އިތުރަށް ފުޅާކޮށް، ހިއްސާދާރުންނަށް ލިބޭ ފައިދާ އިތުރުކުރުމެވެ. އަދި އެސްޓީއޯގެ ހިއްސާއަކީ އިންފްލޭޝަނުން ރައްކާތެރިކޮށްދޭ، އިތުބާރު ހުރި އިންވެސްޓްމެންޓެއްގެ ގޮތުގައި އޭނާ ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0