Read Time:1 Minute, 54 Second
(ފޮޓޯ ކްރެޑީޓްސް: މަސްވެރިކަމާއިބެހޭ ވުޒާރާ)
އިންޑިއަން އޯޝަން ޓޫނާ ކޮމިޝަން (އައިއޯޓީސީ) ގެ 30 ވަނަ އަހަރީ ބައްދަލުވުން ރާއްޖޭގައި ކާމިޔާބުކަމާއެކު ނިންމާލައިފިއެވެ. ބާސެލޯ ނަސަންދުރައިގައި ބޭއްވި މި ބައްދަލުވުމުގައި 29 މެންބަރު ގައުމަކުންނާއި އެކި ޖަމިއްޔާތަކުން 225 އަށްވުރެ ގިނަ މަންދޫބުން ބައިވެރިވިއެވެ. މި ބައްދަލުވުމުގައި ޖުމްލަ 7 ގަރާރެއް ފާސްކުރިއިރު، އޭގެ ތެރޭގައި ރާއްޖޭގެ ފަރާތުން ހުށަހެޅި މުހިންމު ތިން ގަރާރެއް ހިމެނެއެވެ. އެއީ މަޑީގެ ބާވަތްތައް ހިމާޔަތްކުރުމާއި، މަސްވެރިކަމުގެ ތަފާސްހިސާބު ހަރުދަނާކުރުމުގެ އިތުރުން ބީބީއެންޖޭ މުއާހަދާއާ ގުޅޭ ގަރާރެކެވެ. މީގެއިތުރުން ކަންނެއްޔާއި ހިބަރު ބޭނޭނެ މިންވަރު ކަނޑައެޅުމުގައިވެސް ރާއްޖެއިން އިސް ދައުރެއް އަދާކުރިއެވެ. މި ބައްދަލުވުން ރާއްޖޭގައި ބޭއްވުމަކީ ދެމެހެއްޓެނިވި މަސްވެރިކަމަށް ސަރުކާރުން ދޭ ސަމާލުކަން ހާމަވެގެންދިޔަ ކަމެއް ކަމަށް މަސްވެރިކަމާ ބެހޭ ވުޒާރާއިން ފާހަގަކުރައްވައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0