Read Time:2 Minute, 8 Second
(ފޮޓޯ ކްރެޑިޓްސް: ރައީސް އޮފީސް)
ފެލިދެއަތޮޅުގައި ފީނަން އުޅުނު އިޓަލީގެ ފަސް ޑައިވަރުންނަށް ދިމާވި ހިތާމަވެރި ހާދިސާއާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އެ ސަރަހައްދަށް ޒިޔާރަތްކުރައްވައި މީހުން ހޯދުމުގެ މަސައްކަތް ބައްލަވާލައްވާފައެވެ. ބުރާސްފަތި ދުވަހު ހިނގި މި ހާދިސާގައި ގެއްލުނު މީހުންގެ ތެރެއިން އެކެއްގެ ހަށިގަނޑު 60 މީޓަރު އަޑިން ފެނިފައިވާއިރު، ބާކީ ތިބި ހަތަރު މީހުން ހޯދުމުގެ ނުރައްކާތެރި އޮޕަރޭޝަން އެމްއެންޑީއެފްއިން ދަނީ ކުރިއަށްގެންދަމުންނެވެ. ރައީސްގެ މި ދަތުރުފުޅުގައި ވަޒީރުންގެ މަޖިލީހުގެ ބައެއް މެންބަރުން ބައިވެރިވެވަޑައިގެންނެވިއިރު، އެމަނިކުފާނު ވަނީ އިޓަލީ ސަރުކާރަށާއި އާއިލާތަކަށް ތައުޒިޔާ ވިދާޅުވެ، މީހުން ހޯދުމުގެ މަސައްކަތަށް ސަރުކާރުން ފުރިހަމަ އެއްބާރުލުން ދޭނެކަމުގެ ޔަގީންކަން ދެއްވާފައެވެ. މި ހާދިސާ ހިނގި ކޭވް ސަރަހައްދަކީ އާދަޔާ ހިލާފަށް ފުން އަދި ފީނަން ނުރައްކާތެރި ތަނަކަށްވީ ނަމަވެސް، ހާއްސަ އިސްކަމެއް ދީގެން ހޯދުމުގެ މަސައްކަތް މެދުކަނޑާނުލާ ކުރިއަށްދާނެ ކަމަށް ސަރުކާރުން ވަނީ ހާމަކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0