Read Time:1 Minute, 48 Second
ވ. އަތޮޅުގައި ހިނގި ނުރައްކާތެރި ޑައިވިން ހާދިސާއަކާ ގުޅިގެން “އެމް.ވީ ޑޫކް އޮފް ޔޯކް” ސަފާރީގެ އޮޕަރޭޓިންގ ލައިސަންސް ފަތުރުވެރިކަމާ ބެހޭ ވުޒާރާއިން ވަނީ ވަކި މުއްދަތެއް ނެތް ގޮތަށް ސަސްޕެންޑްކޮށްފައެވެ. މި ހާދިސާގައި އެ އުޅަނދުން ޑައިވިނަށް ދިޔަ އިޓަލީގެ 5 މީހުން ގެއްލިފައިވާއިރު، އޭގެ ތެރެއިން މިހާތަނަށް ފެނިފައިވަނީ 60 މީޓަރު އަޑިން ފެނުނު ޑައިވިން އިންސްޓްރަކްޓަރުގެ ހަށިގަނޑު އެކަންޏެވެ. ބާކީ ތިބި 4 ޑައިވަރުން 200 ފޫޓު ދިގު ކޭވްއެއްގެ ތެރޭގައި ތިބި ކަމަށް ބެލެވޭތީ، އެމްއެންޑީއެފް ކޯސްޓްގާޑުން ދަނީ ނުރައްކާތެރި ފުން ސަރަޙައްދެއްގައި މީހުން ހޯދުމުގެ ޚާއްޞަ އޮޕަރޭޝަނެއް ހިންގަމުންނެވެ. ފަތުރުވެރިކަމާ ބެހޭ ވުޒާރާއިން ވަނީ ރާއްޖޭގެ ރައްކާތެރިކަން ދެމެހެއްޓުމަށް ހުރިހާ ފަރާތްތަކުން ގަވާއިދުތަކަށް ބޯލެނބުމަށް އިލްތިމާސްކޮށް، މި ހާދިސާއާ ގުޅިގެން އަޅަންޖެހޭ ފިޔަވަޅުތައް އަޅަމުންދާނެ ކަމަށް ވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0