Read Time:2 Minute, 31 Second
(ފޮޓޯ ކްރެޑިޓްސް: ބީއެމްއެލް)
މިއަހަރުގެ ފުރަތަމަ ހަތަރު މަސްދުވަހު ބޭންކް އޮފް މޯލްޑިވްސް (ބީއެމްއެލް) އިން ކަސްޓަމަރުންގެ ބޭނުންތަކަށް މަހަކު އެވްރެޖްކޮށް 74 މިލިއަން ޑޮލަރު ވިއްކާފައިވާ ކަމަށް އެ ބޭންކުން ހާމަކޮށްފިއެވެ. މިއީ މިދިޔަ އަހަރުގެ އެވްރެޖަށްވުރެ 27 މިލިއަން ޑޮލަރު އިތުރު އަދަދެކެވެ. ބޭންކުގެ ސީއީއޯ މުޙައްމަދު ޝަރީފް ވިދާޅުވި ގޮތުގައި ބޭންކުގެ ޑޮލަރުގެ ތަދިކަމެއް އުޅޭ ކަމަށް ދެކެވޭ ވާހަކައަކީ ހަގީގަތެއް ނޫން ކަމަށާއި، ބޭންކަށް ލިބޭ ޑޮލަރު ދަނީ ޒަރޫރީ ބޭނުންތަކަށް ދަތިނުވާނެހެން މެނޭޖްކުރަމުންނެވެ.
ބޭންކުގެ މާލީ ހާލަތަށް ބަލާއިރު، ރާއްޖޭގެ ބޭންކިންގ ނިޒާމުގެ ޑިޕޮސިޓްތަކުގެ ދެބައިކުޅަ އެއްބަޔަށްވުރެ ގިނަ ފައިސާ ހުރީ ބީއެމްއެލްގައެވެ. އަދި ބޭންކުގައި ހުރި ޑިޕޮސިޓްތަކުގެ %46 އަކީ ޑޮލަރު ޑިޕޮސިޓްތަކަށް ވާއިރު، މި ފައިސާގެ ބޮޑު ބައެއް އިންވެސްޓްކޮށްފައިވަނީ ފަތުރުވެރިކަމުގެ ދާއިރާގެ ލޯނުތަކަށެވެ. ބޭންކުން އަންނަނީ ރާއްޖެއިން ބޭރުގައި އުޅޭ ދަރިވަރުންނާއި، ބޭސްފަރުވާއާއި ދަތުރުފަތުރުގެ ބޭނުންތަކަށް ކަނޑައެޅިފައިވާ ލިމިޓްތަކެއްގެ ދަށުން ޑޮލަރު ދޫކުރަމުންނެވެ. މީގެ އިތުރުން، ރާއްޖެއިން ބޭރުގައި ތިބޭ 18 އަހަރު ނުފުރޭ ދަރިވަރުންނަށްވެސް 1200 ޑޮލަރުގެ ލިމިޓަކާއެކު ޚާއްޞަ ސްޓޫޑެންޓް ކާޑެއް ދޫކުރުމަށް ވަނީ ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0