Read Time:2 Minute, 43 Second
(ފޮޓޯ ކްރެޑިޓްސް: ރައީސް އޮފީސް)
ސަރުކާރުގެ އެންމެ ބޮޑު ކާމިޔާބީއަކީ ރާއްޖޭގެ މާލީ ހާލަތު ހަމަމަގަށް އެޅުވުން ކަމަށް ރައީސް އޮފީހުގެ އިސް ތަރުޖަމާނު މުޙައްމަދު ޙުސައިން ޝަރީފް ވިދާޅުވެއްޖެއެވެ. ނޫސްވެރިންނާ ބައްދަލުކުރައްވައި ތަރުޖަމާނު ވިދާޅުވީ، ކުރީގެ ސަރުކާރުތަކުން ވާރުތަވި ބޮޑު ދަރަނި މެނޭޖުކޮށް އިޤްތިޞާދީ ހަމަޖެހުން ޤާއިމުކުރުމަށް ރައީސް ޑރ. މުޢިއްޒު ދެއްވާ އަހަންމިއްޔަތުގެ ދަށުން، ބޭރުގެ ޤައުމުތަކާއި މާލީ އިދާރާތަކާ މަޝްވަރާކޮށްގެން އުނދަގޫ ހާލަތުން އަރައިގަނެވިފައިވާ ކަމަށެވެ. މީގެ ނަތީޖާއެއްގެ ގޮތުން ރާއްޖޭގެ ކްރެޑިޓް ރޭޓިން ރަނގަޅުވާނެ ކަމުގެ ޔަޤީންކަން ލިބިފައިވާކަން އޭނާ ފާހަގަކުރެއްވިއެވެ.
މާލީ ތަފުސީލުތަކަށް ބަލާއިރު، ފާއިތުވި 40 ދުވަހު ސަރުކާރުން ވަނީ 974 މިލިޔަން ޑޮލަރުގެ ދަރަނި ދައްކާފައެވެ. މީގެ ތެރޭގައި ސުކޫކާއި، ކަރަންސީ ސްވޮޕްގެ އިތުރުން އިންޑިއާއަށް ދައްކަންޖެހޭ ލޯނުގެ ބައިތައް ހިމެނެއެވެ. ތަރުޖަމާނު ވިދާޅުވި ގޮތުގައި، އިތުރު ލޯނެއް ނުނަގައި ދަރަނި އަދާކުރަމުންދާއިރު، ކުރިއަށް އޮތް ސެޕްޓެމްބަރު މަހު ދައްކަންޖެހޭ 50 މިލިޔަން ޑޮލަރުވެސް ދެއްކުމަށް ސަރުކާރުން އަންނަނީ ތައްޔާރުވަމުންނެވެ. ސަރުކާރުގެ ދައުރުގެ ދެބައިކުޅަ އެއްބައި ފުރިހަމަވާއިރު، އަމާޒަކީ ހިންގުމުގެ ނިޒާމު އިތުރަށް ހަރުދަނާކޮށް ރައްޔިތުންނަށް ވެފައިވާ ވައުދުތައް ފުއްދުމުގެ ދުވެލި ހަލުވިކުރުން ކަމަށްވެސް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0