Read Time:2 Minute, 10 Second
(ފޮޓޯ ކްރެޑިޓްސް: އިޤްތިޞާދީ ވުޒާރާ)
ސަރުކާރުގެ އިދާރާތަކުގެ މެދުގައި މައުލޫމާތު ބަދަލުކޮށް، ލިޔެކިޔުންތައް ސިސްޓަމްގެ ތެރެއިން ކަށަވަރުކުރެވޭނެ “ޑޭޓާ އެކްސްޗޭންޖު ލޭޔަރ” މި އަހަރުގެ ނިޔަލަށް ނިންމާލެވޭނެ ކަމަށް ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. އައްޑޫ ބިޒްނަސް ޑައިލޮގްގައި ވާހަކަދައްކަވަމުން ވަޒީރު ވިދާޅުވީ، މިއީ ވިޔަފާރިތަކަށް ލުއިފަސޭހަވާނެ ބަދަލެއް ކަމަށާއި، މި ނިޒާމާއެކު އެއް އިދާރާއަކުން ދޫކުރާ ސެޓިފިކެޓެއް ނުވަތަ ލައިސެންސެއް އަނެއް އިދާރާއަށް ހުށަހަޅަން ނުޖެހި، ސިސްޓަމްގެ ތެރެއިން އަމިއްލައަށް ވެރިފައި ކުރެވޭނެ ކަމަށެވެ. މީގެ އިތުރުން، ސަރުކާރުގެ އަމާޒަކީ 2028 ވަނަ އަހަރުގެ ޖޫން މަހުގެ ނިޔަލަށް ހުރިހާ ޚިދުމަތްތަކެއް ޑިޖިޓަލައިޒްކޮށް، ކަރުދާހާ ނުލާ ޚިދުމަތް ދެވޭނެ ނިޒާމެއް ގާއިމްކުރުމެވެ. އަދި ސައިބަރ ހަމަލާތަކުން ރައްކާތެރިވުމަށް ސައިބަރ ސެކިއުރިޓީގެ ވަރުގަދަ މިންގަނޑުތަކެއް އެކުލަވާލައި، ޚާއްޞަ އޭޖެންސީއެއް މެދުވެރިކޮށް ރައްކާތެރި މާހައުލެއް ބިނާކުރާނެ ކަމަށްވެސް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0