Read Time:2 Minute, 21 Second
“އަދަދު” ނޫހުގެ ދެ ނޫސްވެރިން ކޯޓުގެ ހުރުމަތް ކެނޑި މައްސަލައެއްގައި ޖަލަށްލުމާ ގުޅިގެން، އެ މީހުން މިނިވަންކުރުމަށް ގޮވާލައި އެމްޑީޕީ އާއި ޕީއެންއެފް ގުޅިގެން ބޭއްވި މުޒާހަރާގައި އެ ނޫހުގެ ސީއީއޯ ހުސެއިން ފިޔާޒް ބައިވެރިވެވަޑައިގެންފިއެވެ. ފިޔާޒް މުޒާހަރާގައި ބައިވެރިވެވަޑައިގަތުމުން އޭނާ ސިޔާސީ މަސައްކަތާ ރަސްމީކޮށް ގުޅިވަޑައިގެންނެވީތޯ ގިނަ ބަޔަކު ސުވާލު އުފައްދަމުންދާއިރު، އޭނާ ވަނީ މުޒާހަރާގައި ސަރުކާރަށް ވަރަށް ބޮޑަށް ފާޑުވިދާޅުވެ އިންޒާރު ދެއްވައިފައެވެ.
ފިޔާޒް ވިދާޅުވީ “އަދަދު” ނޫހުން އާންމުކުރި ޑޮކިއުމަންޓްރީއަކީ ތެދު މައުލޫމާތު ހިމެނޭ އެއްޗެއް ކަމަށާއި، ސަރުކާރުގެ ވެރިންގެ ކޮރަޕްޝަނާއި ވައްކަމުގެ ހެކި ފުލުހުން ގެންދިޔަ ތަކެތީގައި ހުންނާނެ ކަމަށެވެ. އަދި ކޮރަޕްޝަންގެ ވާހަކަ ދެއްކުން ހުއްޓާނުލާނެ ކަމަށް ވިދާޅުވެ އޭނާ ވަނީ ރައީސަށް ގޮންޖައްސަވައިފައެވެ. ރައީސަށް ގަޒްފުކުރި ކަމުގެ ތުހުމަތުގައި ފިޔާޒާއި އެ ނޫހުގެ އެޑިޓަރުގެ މައްޗަށް ދައުވާކޮށް، ކޯޓުން ވަނީ އެ ޑޮކިއުމަންޓްރީއާ ގުޅޭ ވާހަކަ ނުދެއްކުމަށް އަމުރުކޮށް ޝަރީއަތް ސިއްރުކޮށްފައެވެ. އެ ޑޮކިއުމަންޓްރީގައި ހުރި ތުހުމަތުތައް ރައީސް ޑރ. މުއިއްޒު ވަނީ މީގެ ކުރިން ދޮގުކުރައްވައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0