Read Time:1 Minute, 59 Second
(ފޮޓޯ ކްރެޑިޓްސް: ވިޒިޓް މޯލްޑިވްސް)
މެދުއިރުމަތީގެ ހަމަނުޖެހުންތަކާ ގުޅިގެން ފަތުރުވެރިންގެ އުންމީދުތަކަށް އަންނަ ބަދަލުތަކަށް ސަމާލުވުމަކީ މުހިންމު ކަމެއް ކަމަށް ވިޒިޓް މޯލްޑިވްސްގެ އެމްޑީ އިބްރާހީމް ޝިއުރީ ވިދާޅުވެއްޖެއެވެ. ކޮރެއާގައި ބޭއްވި ޕާޓާ އެނުއަލް ސަމިޓުގައި ވާހަކަދައްކަވަމުން ޝިއުރީ ފާހަގަކުރެއްވި ގޮތުގައި، ދުނިޔޭގެ ހަމަޖެހުމަކީ ފަތުރުވެރިކަމާ ސީދާ ގުޅިފައިވާ ކަމަކަށްވާތީ، މިދަނޑިވަޅުގައި ސިނާޢަތުގެ ދެމެހެއްޓެނިވިކަމާއި ގޮންޖެހުންތަކުން އަރައިގަތުމުގެ ގާބިލުކަން އިތުރުކުރަންޖެހެއެވެ. މި ސަމިޓުން ލިބުނު މަޢުލޫމާތުތަކުގެ އެހީގައި ރާއްޖޭގެ މާކެޓިންގ އުސޫލުތައް ހަރުދަނާކުރެވޭނެ ކަމަށާއި، މައިގަނޑު ގޮތެއްގައި މަޝްވަރާކުރެވުނީ ދެމެހެއްޓެނިވި ފަތުރުވެރިކަމާއި އައު އީޖާދުތަކާ ގުޅޭގޮތުންނެވެ. 35 ގައުމަކުން ގިނަ އަދަދެއްގެ މަންދޫބުން ބައިވެރިވި މި ސަމިޓުގައި ރާއްޖެއިން ބައިވެރިވުމަކީ ސަރަހައްދީ ފަތުރުވެރިކަމުގައި ރާއްޖޭގެ ދައުރު ވަރުގަދަކަން ހާމަކޮށްދޭ ކަމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0