Read Time:2 Minute, 5 Second
އައްޑޫ ސިޓީގެ އިގްތިސާދީ ކުރިއެރުވުމަށް ބާއްވާ “އައްޑޫ ބިޒްނަސް ޑައިލޮގް” ފެށުމުގެ ރަސްމިއްޔާތުގައި ވާހަކަދައްކަވަމުން އިގްތިސާދީ ތަރައްގީއާ ބެހޭ ވަޒީރު މުޙައްމަދު ސަޢީދު ވިދާޅުވީ، ސިޔާސީ ފިކުރު ތަފާތުވި ނަމަވެސް ގައުމުގެ އިގްތިސާދު ކުރިއެރުވޭނީ ހުރިހާ ފަރާތްތަކެއް އެކުވެގެން ކުރާ މަސައްކަތުން ކަމަށެވެ. މި ޑައިލޮގަކީ ކުރިއަށް އޮތް ތިން އަހަރު ދުވަހުގެ ތެރޭގައި އައްޑޫގެ ތަރައްގީގައި މުހިންމު ދައުރެއް އަދާކުރާނެ ކަމެއް ކަމަށާއި، މީގެ ބޭނުމަކީ ރައްޔިތުންނާއި ވިޔަފާރިވެރިންނަށް ހުރި ގޮންޖެހުންތައް ދެނެގަނެ، އެކަންކަން ހައްލުކުރުމަށްޓަކައި ވަޒީރުންގެ މަޖިލީހަށް ހުށަހަޅާނެ ކަރުދާހެއް އެކުލަވާލުން ކަމަށް ވަޒީރު ވިދާޅުވިއެވެ. މިއީ 2040 ވަނަ އަހަރަށް ރާއްޖެއަކީ ތަރައްގީވެފައިވާ ގައުމަކަށް ހެދުމަށް ސަރުކާރުން ގެންގުޅޭ ތަސައްވުރުގެ ދަށުން ކުރިއަށްގެންދާ ޕައިލެޓް މަޝްރޫއެއް ކަމަށާއި، މި މަސައްކަތުގައި ސިޓީ ކައުންސިލާއި މުއައްސަސާތަކުގެ އިތުރުން ވިޔަފާރިވެރިންގެ ބައިވެރިވުން ނުހަނު މުހިންމު ކަމަށްވެސް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0