Read Time:2 Minute, 45 Second
އައްޑޫގެ އިޤްތިޞާދީ ގޮންޖެހުންތައް ދެނެގަނެ، އެ ސިޓީއަށް ހަލުވި ތަރައްޤީއެއް ގެނައުމަށްޓަކައި “އައްޑޫ ބިޒްނަސް ޑައިލޮގް” މަހާސިންތާ ހިތަދޫ ސްކޫލުގައި ފަށައިފިއެވެ. އިޤްތިޞާދީ ވުޒާރާއާއި ބީސީސީ ގުޅިގެން ދެ ދުވަހުގެ މުއްދަތަށް ކުރިއަށްގެންދާ މި ބައްދަލުވުމުގެ މައިގަނޑު މަޤްޞަދަކީ 2027 އިން 2029 އަށް އައްޑޫއަށް ދިނުމަށް ރައީސުލްޖުމްހޫރިއްޔާ ނިންމަވާފައިވާ ޚާއްސަ އިނާޔަތްތައް ތަންފީޒުކުރުމަށް ވިޔަފާރިވެރިންގެ ކަންބޮޑުވުންތަކާއި މަޝްވަރާ ހޯދުމެވެ.
މި މަހާސިންތާގައި އިޤްތިޞާދީ ވަޒީރު މުޙައްމަދު ސަޢީދުގެ އިތުރުން ސަރުކާރުގެ އެކި ވުޒާރާތަކާއި، ބޭންކުތަކާއި، މީރާ އަދި އެމްޕީއެލް ފަދަ މުހިންމު އިދާރާތަކުން ބައިވެރިވެއެވެ. މި ބައްދަލުވުންތަކުގައި އައްޑޫގެ އިޤްތިޞާދީ މާހައުލު ވަޒަންކުރުމާއި، ޓެކުހުގެ ލުއިތަކާއި، މާލީ އެހީތެރިކަން ދެވޭނެ ގޮތްތަކާ ގުޅޭގޮތުން މަޝްވަރާކޮށް މައުލޫމާތު ހިއްސާކުރާނެއެވެ. މީގެ އިތުރުން ކުދި އަދި މެދުފަންތީގެ ވިޔަފާރިތަކަށް ހުރި ހުރަސްތައް ނައްތާލައި، އައްޑޫއަކީ އިންވެސްޓަރުންނަށް ފަހި ތަނަކަށް ހެދުމަށް މަސައްކަތް ކުރެވޭނެއެވެ.
މި މަހާސިންތާއިން ނިންމާ ކަންތައްތައް ވަޒީރުންގެ މަޖިލީހަށް ހުށަހަޅައިގެން ދޭނެ އިނާޔަތްތައް ކަނޑައަޅާނެއެވެ. ސަރުކާރުގެ އަމާޒަކީ އައްޑޫގައި މި ފަށާ އިޤްތިޞާދީ މޮޑެލް ކާމިޔާބުކަމާއެކު ހިންގުމަށްފަހު، ރާއްޖޭގެ އެހެން ސަރަހައްދުތަކަށްވެސް މިފަދަ މޮޑެލްތައް ތަޢާރަފްކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0