Read Time:2 Minute, 2 Second
(ފޮޓޯ ކްރެޑިޓްސް: ހޯމް ލޭންޑް)
ރާއްޖެއަށް ބިދޭސީން ގެނައުމުގެ ނިޒާމު ހަރުދަނާކުރުމަށްޓަކައި، ކުރިންވެސް އޮތް ގޮތަށް އޭޖެންސީތައް މެދުވެރިކޮށް މީހުން ގެނައުމުގެ މަސައްކަތް އަލުން ފެށުމަށް ސަރުކާރުން ދަނީ ތައްޔާރުވަމުންނެވެ. ދާޚިލީ ސަލާމަތާ ބެހޭ ވަޒީރު ޢަލީ އިޙްސާން ވިދާޅުވި ގޮތުގައި، ވޭތުވެދިޔަ އަހަރުތަކުގައި އޭޖެންސީތަކުގެ ދައުރު ހަނިވުމުގެ ސަބަބުން، ބިދޭސީން އަތުން ބޮޑެތި އަދަދުތަކުން ފައިސާ ނަގައިގެން ރާއްޖެއަށް މީހުން އެތެރެކުރުން ފަދަ ނާޖައިޒް ކަންކަން ވަނީ އިތުރުވެފައެވެ.
މި މައްސަލައަށް ދާއިމީ ހައްލެއް ހޯދުމުގެ ގޮތުން، ބައިނަލްއަޤުވާމީ މިންގަނޑުތަކާ އެއްގޮތަށް ރެކްރޫޓްމަންޓް ފީ ކަނޑައަޅައި، އޭޖެންސީތައް އޯޑިޓްކޮށް ޒިންމާދާރުކުރެވޭނެ އުސޫލެއް ޤާނޫނީ އޮނިގަނޑުގެ ތެރެއިން އެކުލަވާލެވޭނެއެވެ. މި އައު ނިޒާމު ތަޢާރަފްކުރާނީ މިހާރު ކުރިއަށްދާ “ކުރަނގި” އޮޕަރޭޝަން ނިމުމުންނެވެ. މީގެ މަޤްޞަދަކީ ބިދޭސީން ގެންނަ ފަރާތްތައް ޖަވާބުދާރީކުރުވައި، ގަވާއިދާ ޚިލާފަށް މީހުން އެތެރެކުރުމުގެ ފުރުޞަތު ހަނިކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0