Read Time:1 Minute, 46 Second
އައްޑޫ ސިޓީގެ އިޤްތިޞާދު ހަލުވިކަމާއެކު ކުރިއެރުވުމަށްޓަކައި މި މަހުގެ 13 އިން 14 އަށް ބާއްވާ ޚާއްސަ މަހާސިންތާގައި ބައިވެރިވުމަށް 500 އަށްވުރެ ގިނަ ފަރާތުން ރަޖިސްޓްރީކޮށްފިއެވެ. އިޤްތިޞާދީ ވަޒީރު މުޙައްމަދު ސަޢީދު ވިދާޅުވި ގޮތުގައި، މި މަހާސިންތާގެ މައިގަނޑު ބޭނުމަކީ 2027 އިން 2029 އަށް އައްޑޫގެ ތަރައްޤީއަށް ދެވޭނެ ޚާއްސަ އިނާޔަތްތައް ދެނެގަތުމާއި، ވިޔަފާރިވެރިންގެ ކަންބޮޑުވުންތައް އަޑުއެހުމެވެ. ފަތުރުވެރިކަމާއި، މަސްވެރިކަމާއި، ދަނޑުވެރިކަން ފަދަ ދާއިރާތަކަށް އަމާޒުކޮށްގެން ބާއްވާ މި ބައްދަލުވުމުގައި ސަރުކާރުގެ އިސް ބޭފުޅުންނާއި ދާއިރާތަކުގެ ފަންނީ މީހުން ބައިވެރިވާނެއެވެ. މިއީ ޕައިލެޓް ޕްރޮޖެކްޓެއްގެ ގޮތުގައި ކުރިއަށްގެންދާ މަސައްކަތެއް ކަމަށާއި، އައްޑޫގައި މި މޮޑެލް ކާމިޔާބުވެއްޖެނަމަ ރާއްޖޭގެ އެހެން ސަރަހައްދުތަކަށްވެސް މިފަދަ ނިޒާމެއް ތަޢާރަފްކުރާނެ ކަމަށް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0