Read Time:1 Minute, 47 Second
ރައީސުލްޖުމްހޫރިއްޔާގެ އޮފީހުން ބާއްވާ ނޫސްވެރިންގެ ބައްދަލުވުންތަކަށް “އަދަދު” ނޫހުގެ ނޫސްވެރިންނަށް ވަނުމުގެ ހުއްދަ ނުދިނުމަށް އެ އޮފީހުން ނިންމައިފިއެވެ. މިގޮތަށް ނިންމީ އެ ނޫހުން ދައުރުކުރި ވީޑިއޯއަކާ ގުޅިގެން ކްރިމިނަލް ކޯޓުގައި ޖިނާއީ މައްސަލައެއް ހިނގަމުންދާތީ އާއި، ކޯޓުން ކޮށްފައިވާ އަމުރަކާ ޚިލާފަށް އެ ނޫހުގެ ނޫސްވެރިޔާ މުޙައްމަދު ޝަހުޛާން މިއަދުގެ ޕްރެސް ކޮންފަރެންސްގައި ސުވާލުކޮށްފައިވާތީއެވެ. ރައީސް އޮފީހުން ހާމަކުރި ގޮތުގައި މިއީ ނޫސްވެރިކަމުގެ ސުލޫކީ މިންގަނޑާއި، ތެދު މަޢުލޫމާތު ހާމަކުރުމުގެ ޒިންމާއާ ޚިލާފުވުމުން، އެ އޮފީހުގެ އުސޫލުތަކުގެ ދަށުން އެޅި ފިޔަވަޅެކެވެ. ރައީސުލްޖުމްހޫރިއްޔާ ވިދާޅުވީ ދޮގު އިލްޒާމްތައް އެޅުވިޔަސް ގާނޫނީ ސިޔާދަތު ދަމަހައްޓަވާނެ ކަމަށެވެ. މީގެ އިތުރުން، ކޯޓު އަމުރާ ޚިލާފަށް ސުވާލުކުރި މައްސަލައިގައި ޝަހުޛާން ކޯޓަށް ހާޒިރުވާން ވެސް ވަނީ އަންގައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0