Read Time:1 Minute, 46 Second
(ފޮޓޯ ކްރެޑިޓްސް: ވީއެމްސީ)
ރަޝިޔާ، ސީ.އައި.އެސް އަދި ވިލާތުގެ ގައުމުތަކުގައި ރާއްޖެ އިޝްތިހާރު ކުރުމަށްޓަކައި ވިޒިޓް މޯލްޑިވްސްއާއި ނޭޝަނަލް ހޮޓެލްސް އެންޑް ގެސްޓްހައުސް އެސޯސިއޭޝަން (އެން.އެޗް.ޖީ.އޭ.އެމް) އާ ދެމެދު އެއްބަސްވުމެއްގައި ސޮއިކޮށްފިއެވެ. “އައި އެމް މޯލްޑިވްސް” ކެމްޕޭނުގެ ދަށުން ކުރިއަށްގެންދާ މި މަސައްކަތުގެ ތެރެއިން ސެޕްޓެމްބަރު މަހު ރަޝިޔާ އާއި ސީ.އައި.އެސްގެ ގައުމުތަކުގައި ރޯޑްޝޯތަކެއް ބާއްވާނެއެވެ. އަދި ނޮވެމްބަރު މަހު ބަލްގޭރިއާ، ހަންގޭރީ އަދި ސުލޮވީނިއާގައި ރޯޑްޝޯތަކެއް ބޭއްވުމަށް ވަނީ ހަމަޖެހިފައެވެ. މި ހަރަކާތްތަކުގެ އިންތިޒާމީ ކަންކަން އެން.އެޗް.ޖީ.އޭ.އެމް އިން ކުރާއިރު، ވިޒިޓް މޯލްޑިވްސް އިން ފޯރުކޮށްދޭނީ ފަންނީ އެހީތެރިކަމެވެ. މި ރޯޑްޝޯތަކުގެ ސަބަބުން ބޭރުގެ ޓްރެވަލް އެޖެންޓުންނާއި މީޑިއާއާ އޮންނަ ގުޅުން ބަދަހިވެ، ރާއްޖޭގެ ފަތުރުވެރިކަން އައު މާކެޓްތަކަށް ފުޅާވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0