Read Time:1 Minute, 53 Second
(ފޮޓޯ ކްރެޑިޓްސް: ހޯމް މިނިސްޓްރީ)
ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު ޢަލީ އިޙްސާން، ސަރުކާރުން ތަރައްޤީކުރާ މީޑިއާ ވިލެޖުގެ މަސައްކަތް ކުރިއަށްދާ ގޮތް ބައްލަވައިލައްވައިފިއެވެ. ހުޅުމާލޭ ފުރަތަމަ ފިޔަވަހީގައި ހުންނަ އެސްޓީއޯ ސިޓީ ހޮޓެލް އިމާރާތުގައި ތަރައްޤީކުރާ މި ވިލެޖުގެ މަސައްކަތް ހަވާލުކޮށްފައިވަނީ ވޯލްޑް އޮފް ބިޒްނަސް ޕްރައިވެޓް ލިމިޓެޑާއެވެ. އަންނަ މަހު ނިންމުމަށް ލަނޑުދަނޑި ކަނޑައަޅައި، ބާރު ދުވެލީގައި މަސައްކަތް ކުރިއަށްދާ ކަމަށް ވަޒީރު ވަނީ ސައިޓަށް ޒިޔާރަތްކުރައްވައި ކަށަވަރުކުރައްވައިފައެވެ.
34 ޖާގަ ހިމެނޭ މި ވިލެޖު ޤާއިމުކުރުމުގެ މަޤްޞަދަކީ، ބޮޑު ކުއްޔަށް ޖާގަ ހިފަންޖެހުމުން މީޑިއާތަކަށް ކުރިމަތިވާ މާލީ ދަތިތަކަށް ހައްލެއް ހޯދައިދިނުމެވެ. ލުއި އަގެއްގައި އޮފީސް އަދި ސްޓޫޑިއޯ ޖާގަ ފޯރުކޮށްދީ، ލިބޭ އާމްދަނީ ދާއިރާ ތަރައްޤީކުރުމަށް ބޭނުންކުރެވޭނެ މަގު ފަހިކޮށްދިނުމަކީ ވެސް މި ވިލެޖުގެ އަމާޒެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0