Read Time:3 Minute, 17 Second
(ފޮޓޯ ކްރެޑީޓްސް: ޕީއެންސީ)
ދެ ދުވަހަށް ބާއްވާ މި ފޯރަމަކީ ކުދި އަދި މެދު ފަންތީގެ ވިޔަފާރިތަކުގެ ކުރިމަގު ބައްޓަންކުރުމުގައި ވިޔަފާރިވެރިންގެ ބައިވެރިވުން އިތުރުކުރުމަށް، އައްޑޫ ސިޓީ، ހުޅުދޫ، އަދި މީދޫ ހިމެނޭ ގޮތަށް ކަމާ ގުޅޭ ހުރިހާ ފަރާތްތަކެއް ގުޅިގެން ބާއްވާ ފޯރަމެކެވެ. ޕީއެސްއެމް ނިއުސްގެ “ރާއްޖެ މިއަދު” ޕްރޮގްރާމުގައި ވާހަކަދައްކަވަމުން، ސްޓޭޓް މިނިސްޓަރ އަބްދުﷲ ސިޔާޒު ވިދާޅުވީ، ރައީސުލްޖުމްހޫރިއްޔާ ނިންމަވާފައިވަނީ އައްޑޫ ސަރަހައްދު ތަރައްޤީ ކުރުމަށާއި، ތިން އަހަރުގެ ހާއްސަ އިނާޔަތްތަކެއް ވިޔަފާރިތަކަށް ދިނުމަށް ކަމަށެވެ. އަދި އައްޑޫ އައިޓީ ހަބަކަށް ހެއްދެވުމަށްވެސް ނިންމަވާފައިވާ ކަމަށާއި، މި ލަނޑުދަނޑިތައް ހާސިލުކުރުމަށް ޑައިލޮގް މުހިންމު ދައުރެއް އަދާ ކުރާނެ ކަމަށް ވިދާޅުވިއެވެ.
ވިޔަފާރީގެ ދާއިރާގެ މައްސަލަތައް ހައްލުކުރުމަށް ކުރިން ވެސް މަސައްކަތް ކުރެވިފައިވީ ނަމަވެސް، ސަރަހައްދީ ފެންވަރެއްގައި ވަކިން ހާއްސަ ކޮށްގެން ހިންގިފައި ނުވާ ކަމަށާއި، ވިޔަފާރިވެރިންނަށް ސަރުކާރުގެ ސިޔާސަތު ކަނޑައަޅާ ފަރާތްތަކާ ސީދާ ވާހަކަދެއްކޭނެ ފުރުސަތު ހޯދައިދިނުމަކީ ފޯރަމްގެ އެންމެ ބޮޑު އެއް މަޤްސަދު ކަމަށް ސިޔާޒު ވިދާޅުވިއެވެ. ހަމައެކަނި ފޯރަމެއް ބޭއްވުމުގެ ބަދަލުގައި، ފޯރަމުގައި ކުރެވޭ މަޝްވަރާތަކުގެ ނަތީޖާ ހިމެނޭ ކަރުދާހެއް ތައްޔާރުކޮށް، ރައީސުލްޖުމްހޫރިއްޔާ އަދި ކެބިނެޓަށް ހުށަހަޅާނެ ކަމަށް ވުޒާރާއިން ވިދާޅުވެއެވެ. ފަތުރުވެރިކަން، އިމާރާތްކުރުން، މަސްވެރިކަން ފަދަ ދާއިރާތަކުގެ ފަރާތްތަކަށް ބައިވެރިވެވޭ މި ފޯރަމްގައި، ހޯމްލޭންޑް ސެކިއުރިޓީ، ފަތުރުވެރިކަން، މަސްވެރިކަމާއި ދަނޑުވެރިކަން، އަދި މާލީ ވުޒާރާ ހިމެނޭ ގޮތަށް ސަރުކާރުގެ ގިނަ އިދާރާތަކެއް ބައިވެރިވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0