Read Time:2 Minute, 6 Second
(ފޮޓޯ ކްރެޑިޓްސް: ރައީސް އޮފީސް)
ދިވެހި ސިފައިންނާއި އެމީހުންގެ އާއިލާތަކަށް ހައްގު މިންވަރު ހޯދައިދިނުމަކީ އެމަނިކުފާނުގެ ޒިންމާއެއް ކަމަށާއި، އެކަން ކާމިޔާބު ކުރައްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ސިފައިންގެ ދުވަހުގެ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، ސިފައިންނަށް އަމިއްލަ ރަށާ ގާތުން މަސައްކަތް ކުރެވޭނެ އިންތިޒާމު ހަމަޖައްސަވައިދެއްވާނެ ކަމަށާއި، މިކަމަށްޓަކައި ސިފައިންގެ ފައުޖު ބޮޑުކުރުމުގެ މަސައްކަތް މިހާރު ކުރިއަށްދާ ކަމަށެވެ. މީގެ އިތުރުން، ސިފައިންގެ ޚިދުމަތުގައި ދިގު މުއްދަތަކަށް ދެމިތިބެވޭނެ ގޮތަށް ގަވާއިދުތަކަށް ބަދަލު ގެނައުމާއި، ރިޓަޔަރމަންޓް ގަވާއިދު އިސްލާހުކުރުމުގެ އިތުރުން، ބަނޑޭރިކޮށި ސަރަހައްދުގައި ޒަމާނީ ބޯހިޔާވަހިކަމުގެ މަޝްރޫޢެއް ކުރިއަށް އޮތް 8 މަސް ތެރޭގައި ފަށްޓަވާނެ ކަމަށްވެސް ރައީސް ވިދާޅުވިއެވެ. އަދި ސިފައިން ތަމްރީނުކުރުމަށް ރާއްޖެއާއި ރާއްޖޭއިން ބޭރުން އިތުރު ފުރުސަތުތައް ފަހިކޮށްދެއްވާނެ ކަމުގެ ޔަގީންކަންވެސް އެމަނިކުފާނު ދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0