Read Time:2 Minute, 13 Second
ޗީފް އޮފް ޑިފެންސް ފޯސް މޭޖަރ ޖެނެރަލް އިބްރާހިމް ހިލްމީ ވިދާޅުވީ، ރާއްޖޭގެ ކަނޑުގެ ސަރަހައްދުން ގިނަ އަދަދެއްގެ އުޅަނދުތައް ދަތުރުކުރުމަކީ އިންޑިއާ ކަނޑުގެ މުހިންމު ކަނޑުއޮޅިތަކުގެ މައްޗަށް ރާއްޖޭގެ ބާރު އޮތްކަން ހާމަވާ ކަމެއް ކަމަށެވެ. ސިފައިންގެ 134 ވަނަ އަހަރީ ދުވަހުގެ ޖަލްސާގައި ވާހަކަދައްކަވަމުން ހިލްމީ ފާހަގަކުރެއްވީ، ރާއްޖޭގެ މިނިވަންކަމާއި ސިޔާދަތު ހިމާޔަތްކުރުމަށްޓަކައި ރާއްޖޭގެ އިޤްތިސާދީ ސަރަހައްދުގެ ބޭރުން ކުރިމަތިވާ ނުރައްކާތަކާ ކުރިމަތިލުމުގެ މުހިންމުކަން އިތުރުވެފައިވާ ކަމަށެވެ. އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ހަރުދަނާ ސިޔާސަތުގެ ދަށުން، ބޭރުގެ ނުފޫޒުތަކުން އަސްކަރިއްޔާ ސަލާމަތްކޮށް، އެއްގަމާއި ކަނޑާއި ވައިގެ ދިފާއީ ގާބިލްކަން ކުރިއެރުވުމަށް ގިނަ މަސައްކަތްތަކެއް ކުރަމުންދާކަން އޭނާ ފާހަގަކުރެއްވިއެވެ. މީގެ އިތުރުން ސިފައިންގެ ތަމްރީނާއި ލޮޖިސްޓިކްސް އަދި ފަޔަރު ސާވިސް ފަދަ ދާއިރާތައް ތަރައްޤީކޮށް، ދިވެހި އަސްކަރިއްޔާއަށް މިހާތަނަށް ނުލިބޭ ފަދަ ބޮޑެތި ކުރިއެރުންތަކެއް މި ސަރުކާރުން ހޯދައިދެމުންދާ ކަމަށްވެސް ޗީފް އޮފް ޑިފެންސް ފޯސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0