Read Time:2 Minute, 5 Second
ދިވެހިރާއްޖޭގެ ޚާރިޖީ ސިޔާސަތާއި ބޭރު ގައުމުތަކާ އޮންނަ ގުޅުންތަކާ ބެހޭގޮތުން ވާހަކަދައްކާއިރު، ދައުލަތުގެ މަތީ މަގާމުތައް ފުރުއްވާފައިވާ ބޭފުޅުން ޙިކުމަތްތެރިކަން އިސްކުރެއްވުމަށް ޚާރިޖީ ވުޒާރާއިން އިލްތިމާސްކުރައްވައިފިއެވެ. ސަރުކާރުގެ “މޯލްޑިވްސް ފަސްޓް” ސިޔާސަތަކީ ގައުމީ ސިޔާދަތާއި މަސްލަހަތު އިސްކޮށް، ބައިނަލްއަގުވާމީ ގާނޫނުތަކަށް އިހުތިރާމްކުރާ ޒިންމާދާރު ސިޔާސަތެއްކަން ފާހަގަކުރައްވައި، އެ ވުޒާރާއިން ވިދާޅުވީ ތަރައްގީގެ ބައިވެރިންނާ އޮންނަ ގާތް ގުޅުން ދެމެހެއްޓުމަށް ސަރުކާރުން އިސްކަންދޭ ކަމަށެވެ. މަތީ މަގާމުތައް ފުރުއްވާފައިވާ ބޭފުޅުން ފާޅުކުރައްވާ ބައެއް ޚިޔާލުތަކުގެ ސަބަބުން ނޭދެވޭ ނަތީޖާ ނުކުމެދާނެތީ، އެފަދަ ވާހަކަތަކަކީ ހަގީގަތުގެ މައްޗަށް ބިނާވެފައިވާ އަދި ގައުމީ އެއްބައިވަންތަކަމަށް ބާރުއަޅާ ވާހަކަތަކަށް ވާންޖެހޭނެ ކަމަށްވެސް އެ ބަޔާނުގައިވެއެވެ. ސަރުކާރުން އަބަދުވެސް ދެމިއޮންނާނީ ރާއްޖޭގެ ކަރާމާތާއި ދިގު މުއްދަތުގެ މަސްލަހަތު ހިމާޔަތްކޮށް، ބައިނަލްއަގުވާމީ ގުޅުންތައް ބަދަހިކުރުމުގެ މަތީގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0