Read Time:2 Minute, 10 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ އިންވެސްޓްމަންޓް ފުރުސަތުތައް އިޝްތިހާރުކުރުމުގެ މަސައްކަތް ވަރަށް ބޮޑަށް ހަރުދަނާކުރެވިފައިވާ ކަމަށް އިޤްތިޞާދީ ވަޒީރު މުޙައްމަދު ސައީދު ވަނީ ވިދާޅުވެފައެވެ. ރައީސުލްޖުމްހޫރިއްޔާ ސްރީލަންކާއަށް ކުރެއްވި ދަތުރުފުޅުގައި ބޭއްވި މޯލްޑިވްސް-ލަންކާ އިންވެސްޓްމަންޓް ފޯރަމަކީ ވަރަށް ކާމިޔާބު ފޯރަމެއް ކަމަށާއި، މި ފޯރަމްގައި ބައިވެރިވި 3000 އަށްވުރެ ގިނަ މީހުންގެ ތެރެއިން 80 އިންސައްތައަކީ ބޭރުގެ އިންވެސްޓަރުންކަން ވަޒީރު ފާހަގަކުރެއްވިއެވެ. މިފަދަ ފޯރަމްތަކުގެ މައިގަނޑު މަގުސަދަކީ ރާއްޖެއަކީ އިންވެސްޓްކުރަން ފަސޭހަ ތަނަކަށް ހެދުމާއި، ރޭވުންތެރިކަމާއެކު އިންވެސްޓްމަންޓްތައް އިތުރުކުރުމެވެ. މީގެއިތުރުން، ލަންކާއާ އެކު އޮންނަ ވިޔަފާރީގެ ގުޅުން ދެފަރާތަށް ފައިދާވާނެހެން ބަދަލުކޮށް، ދިވެހި ވިޔަފާރިވެރިންނަށްވެސް ލަންކާގައި ފުރުސަތުތައް ހޯދައިދިނުމަކީ ސަރުކާރުގެ އަމާޒެކެވެ. މި ފޯރަމްގައި ފަތުރުވެރިކަމާއި ދަނޑުވެރިކަން ފަދަ މުހިންމު ދާއިރާތަކުން ރާއްޖޭގައި ހުރި ފުރުސަތުތަކުގެ މައުލޫމާތު އިންވެސްޓަރުންނާ ވަނީ ހިއްސާކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0