Read Time:1 Minute, 56 Second
(ފޮޓޯ ކްރެޑިޓްސް: ރައީސް އޮފީސް)
ވޭތުވެދިޔަ އެއް އަހަރު ދުވަހުގެ ތެރޭގައި ރައީސުލްޖުމްހޫރިއްޔާގެ އޮފީހަށް ހުށަހެޅި 288 އާރުޓީއައި ފޯމުގެ ތެރެއިން 233 ފޯމަށް ޖަވާބުދީ މައުލޫމާތު ހިއްސާކޮށްފައިވާ ކަމަށް ރައީސް އޮފީހުގެ ތަރުޖަމާނު މުޙައްމަދު ހުސައިން ޝަރީފް ވިދާޅުވެއްޖެއެވެ. “ޕްރެސަރ ވިތު ދަ ސްޕޮކްސް” ގައި ވާހަކަދައްކަވަމުން ތަރުޖަމާނު ފާހަގަކުރެއްވި ގޮތުގައި، އާރުޓީއައި ހުށަހެޅުމުގައި ކާކުކަން ނޭނގޭ ގޮތަށް އެއް މައުލޫމާތެއް ތަކުރާރުކޮށް ހޯދުމާއި، ވަކި މަގުސަދެއްގައި ސުވާލު އުފެއްދުމުގެ ސަބަބުން މައުލޫމާތު ދިނުމުގައި ދަތިތަކެއް ކުރިމަތިވެއެވެ. މީގެ އިތުރުން ޚާރިޖީ ގުޅުންތަކާއި، މާލީ ސިއްރު އެއްބަސްވުންތައް އަދި ޤައުމީ ސަލާމަތާ ގުޅުންހުރި މައުލޫމާތުތައް ޤާނޫނީ ހުރަސްތަކުގެ ސަބަބުން ހިއްސާ ނުކުރެވޭނެކަންވެސް އޭނާ ބަޔާންކުރެއްވިއެވެ. މި ބައްދަލުވުމުގައި ރައީސުލްޖުމްހޫރިއްޔާ ބޭރުގެ ޤައުމުތަކަށް ކުރެއްވި ދަތުރުފުޅުތަކުގެ ތަފާސްހިސާބުތައްވެސް ވަނީ އާންމުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0